რეცეპტები

80 მლ Sterilgarda-ს თბილი რძე 1 ს/კ საფუარი 1 ს/კ შაქარი 3 ს/კ ფქვილი   1 მთლიანი კვერცხი 2 კვერცხის გული 150 გრ შაქარი 2 ს/კ ფორთოხლის წვენი ფორთოხლის ცედრა 50 გრ Valio-ს დამდნარი კარაქი   300 გრამი ფქვილი მწიკვი მარილი   100 გრ Valio-ს რბილი კარაქი 50 გრ ნუშის ფანტელები 50 გრ ქიშმიში თხლად ათლილი და წვრილად დაჭრილი ფორთოხლის კანი 1/2 ჩ/კ მუსკატი   პატარა ჯამში ვასხამთ თბილ რძეს, ვამატებთ საფუარს, შაქარს და ფქვილს. ველოდებით 15-20 წუთი რომ ამოფუვდეს.   ცალკე ჯამში ვთქვიფავთ კვერცხს და შაქარს გათეთრებამდე. ვამატებთ საფუარიან მასას, კარგად ვურევთ და გადაგვაქვს კომბაინში. ნელნელა ვაყრით გაცრილ ფქვილს და როდესაც მივიღებთ ერთიან მასას, ბოლოს ვამატებთ დამდნარ კარაქს. დაახლოებით 15 წუთი საშუალო სიჩქარეზე ვზილავთ ცომს.   გადაგვაქვს ცომი ცხიმწასმულ ჯამში, ვაკრავთ სამზარეულოს ცელოფანს, ვაფარებთ დამატებით ტილოს ნაჭერს და ვტოვებთ მინიმუმ 1 საათი თბილ ადგილას.    ვყოფთ ცომს 2 ნაწილად, ვაბრტყელებთ მართკუთხა ფორმაზე,ვუსმევთ კარაქს, ვაყრით ქიშმიშს, ნუშს და მუსკატს. გადავახვევთ, ვჭრით შუაზე ოღონდ ერთი ბოლო რჩება გაუჭრელი, ვახვევთ როგორც ვიდეოშია და ვათავსებთ გამოსაცხობ ფორმაში.   ვტოვებთ 1 საათი ამოსაფუებლად და ვაცხობთ 180 გრადუსზე 35-40 წუთი.   ვაგრილებთ, ვიღებთ ფორმიდან და ვაყრით შაქრის ,,პუდრას".   გემრიელად მიირთვით!

დაგჭირდებათ: 170 გ ფქვილი 150 გ შაქარი 10 გ საცხობი პუდრი (გამაფხვიერებელი) მწიკვი მარილი ½ ჩ.კ. დარიჩინი 1 ფორთოხლის ცედრა 120 გ Valio-ს კარაქი (დამდნარი და გაგრილებული) 2 ს.კ. რძე 2 კვერცხი 200 გ სტაფილო 50 გ ქიშმიში 30 გ ნიგოზი   კრემისთვის: 230 გ Valio-ს კრემ ყველი 45 გ შაქრის პუდრი 100 მლ ნაღები მინიმუმ 32% 1 ჩ.კ. ვანილის ექსტრაქტი ან პასტა სურვილისამებრ ფორთოხლის ცედრა და ნიგოზი მოსართავად.   გავაცხელოთ ღუმელი 180 გრადუსზე. დავადნოთ კარაქი. მსხვილ სახეხზე გავხეხოთ სტაფილო. მშრალი ინგრედიენტები ავურიოთ ერთ თასში.   მეორე თასში ავთქვიფოთ კვერცხი, დავუმატოთ შეგრილებული კარაქი და რძე, ჩავასხათ ფქვილიან ჯამში და გავაერთიანოთ ორი მასა. კარგად ავურიოთ და დავამატოთ სტაფილო, შემდეგ, კი ქიშმიში და დაჭრილი ნიგოზი.   ცომი გადავიტანოთ საცხობ ყალიბში, რომელსაც წინასწარ წაუსვამთ კარაქს და მოაყრით ფქვილს, ან ჩააფენთ საცხობ ქაღალდს.   ვაცხობთ 40-60 წუთი, ან ვიდრე ხის წკირი მშრალი არ ამოვა კექსში ჩარჭობისას. თუმცა გაითვალისწინეთ, ტექსტურა ნოტიო რჩება.   როდესაც კექსი გამოცხვება, გავაგრილებთ და მოვრთავთ კრემით, რომელსაც შემდეგნაირად ვამზადებთ: ვთქვეფთ ყველა ინგრედიენტს ერთ ჯამში, როდესაც მასა შესქელდება, გადავუსვამთ კექსს და მოვაყრით დამატებით ცედრას და ნიგოზს სურვილისამებრ.

Delverde-ს სპაგეტი Zucchi-ს ზეითუნის ზეთი Colle Del Tartufo-ს პესტოს დრესინგი Granarolo-ს სტრაჩატელა Granarolo-ს პარმეზანი მოხარშეთ პასტა 8 წუთის განმავლობაში.ტაფაზე მოასხით ზეითუნის ზეთი, გადაიტანეთ მასში პასტა და მოასხით ცოტა ნახარში, პესტოს დრესინგი, კარგად აურიეთ და ისევ მოურიეთ.გადაიტანეთ თეფშზე და დაადეთ თავზე სტრაჩატელა.

1 დარდანელის თინუსის კონსერვი 1 ღერი ნიახური 1/2 წითელი ხახვი კაპერსი 1 ჩ/კ დიჟონის მდოგვი 3 ს/კ სახლის მაიონეზი (1 კვერცხი, 1 ჭიქა ზეითუნის ზეთი, მარილი, 1 ჩ/კ ძმარი მოვათავსოთ ბლენდერის ჭიქაში და ხელის ბლენდერით ამოვიყვანოთ) ქინძი წითელი წიწაკის ფანტელები სურვილისამებრ მარილი და პილპილი გემოვნებით ტოსტის პური   გადავიტანოთ თინუსი ღრმა ჯამში, დავამატოთ დაჭრილი ნიახური, ხახვი, კაპერსები. შევურიოთ სახლში მომზადებული მაიონეზი, ასევე დიჟონის მდოგვი. ბოლოს დავაყაროთ ქინძი და ყველაფერი კარგად გადავურიოთ. მოვათავსოთ ტოსტის პურზე სალათის ფურცლები, რომელზეც უნდა გავანაწილოთ თინუსის სალათა და გადავაფაროთ ზემოდან მეორე პური.  გავჭრათ შუაზე და გემრიელად მივირთვათ.

ინგრედიენტები: 500 გრ. ძროხის ფარში 1 თავი თეთრი ხახვი ნიორი Pomi-ს პომიდვრის სოუსი 350 გრ. რიკოტა 2 კვერცხი ფორთოხლის ცედრა მარილი პილპილი 100 გრ. Granarolo-ს პარმეზანი ლაზანიას ფირფიტები Zucchi-ს ზეითუნის ზეთი ინგრედიენტებს ვამატებთ მითითებული რიგითობის მიხედვით. ლაზანია ცხვება 180 გრადუსზე, 30 წუთი ფოლგაში გახვეული და 10-20 წუთი ფოლგის გარეშე, სანამ ზედაპირი არ მოიბრაწება.

   დაგჭირდებათ: 80მლ. წყალი 1 ს/კ შაქარი 1 ს/კ საფუარი 50მლ. სტერილგარდას რძე მწ. მარილი 250გრ. ლურპაკის კარაქი 500გრ. ფქვილი    მომზადება: თბილ წყალს დავუმატოთ შაქარი, საფუარი და დავაყოვნოთ 5-7 წუთი. დავუმატოთ თბილი რძე და მწიკვი მარილი, მოვურიოთ და ერთიანად დავამატოთ ფქვილი.  მოვზილოთ ცომი, ბოლოს კი დავუმატოთ 50 გრ. დარბილებული და კუბებად დაჭრილი ლურპაკის კარაქი. ცომს გადავაფაროთ სამზარეულოს ტილო და დავაყოვნოთ 1 საათით, გაორმაგებამდე. ამოფუების შემდეგ ცომს გადმოვიტანთ სამუშაო დაფაზე, დავაგუნდავებთ და გავყოფთ 8 ნაწილად. თითოეულს ვამუშავებთ და ვაბრტყელებთ. გაბრტყელებულ ცომს ფენა-ფენა წავუსვამთ ლურპაკის ორგანულ კარაქს. (დაახლოებით დაგვჭირდება 150-200გრ.) ბოლო ფენას კარაქის წასმა აღარ უნდა. შევფუთოთ საკვებ ცელოფანში და მაცივარში გავაჩეროთ მთელი ღამე. მეორე დღეს გამოვიტანთ ცომს, გავაბრტყელებთ, გადავკეცავთ ერთხელ და დავჭრით სასურველ ფორმებად. შემდეგ კი მივცემთ კრუასანის ფორმას. შუა გულში შეგვიძლია მოვათავსოთ Cachet-ს შოკოლადი. კრუასანები მოვათავსოთ პერგამენტ დაფენილ ქაღალდზე, გადავაფაროთ და დავაყოვნოთ კიდევ 1 საათით. ზემოდან გადავუსვათ კვერცხის გული. გამოაცხვეთ 190 გრადუსზე 20-25 წუთის განმავლობაში. გამოდის 8 ცალი საშუალო ზომის კრუასანი.

ინგრედიენტები: იტალიური Beretta-ს კანჭი 100 გრ ქინძი 100 გრ ოხრახუში 1/2 ლიმონის წვენი 1/3 ჭიქა ზეითუნის ზეთი მარილი წითელი წიწაკის ფანტელები   Beretta-ს კანჭი 15 წუთით შევდგათ ღუმელში. მოვამზადოთ სოუსი: დავჭრათ მწვანილი, მოვაყაროთ მარილი და წითელი წიწაკის ფანტელი. მოვასხათ ლიმონის წვენი, ზეითუნის ზეთი და ავურიოთ. ღუმელში გამოვაცხოთ კარტოფილი, ბულგარული წიწაკა, სტაფილო და ხახვი. შემოვუწყოთ კანჭს გამომცხვარი ბოსტნეული და კერძი მზად არის.

დაგჭირდებათ: 110 გ ლურპაკის კარაქი 3 ჩ.კ. აქტიური მშრალი საფუარი 2 ჩ.კ თაფლი 240 მლ რძე 1 კვერცხი + 1 კვერცხის გული 1 ს.კ. ზეთი 75 გ შაქარი 1 ჩ.კ ვანილის ექსტრაქტი 460 გ ფქვილი  ¼ ჩ.კ მარილი 1 ფორთოხლის ცედრა 1 ლიმონის ცედრა 1 ჩ.კ დარიჩინი 1 ჭიქა ქიშმიში 1 კვერცხის გული + 1ს.კ. წყალი  დეკორისთვის: ½ ჭიქა შაქრის პუდრი 1-2 ს.კ. რძე კარაქი შევათბოთ ოთახის ტემპერატურაზე. მოზრდილ ჯამში მოვათავსოთ საფუარი (გახსენით საფუვრის ახალი პაკეტი), თაფლი და თბილი რძე, ავურიოთ და დავტოვოთ ასაფუებლად 10 წუთი ან ვიდრე მასა არ აქაფდება. იმავე ჯამში დაუმატეთ მსუბუქად ათქვეფილი კვერცხი+გული, ზეთი, შაქარი, ციტრუსის ცედრა, დარიჩინი, ვანილი და ფქვილი, დაიწყეთ ცომის მოზელა ხელით ან მიქსერით. დაუმატეთ მარილი. პროცესი გრძელდება 10-15 წუთი, როდესაც ცომი შეიკვრება, დაიწყეთ კარაქის კუბების დამატება, ეტაპობრივად. კარაქი სრულად რომ გაიხსნება, შეფუთეთ ჯამი და დადგით თბილ ადგილას ფერმენტაციისთვის. ცომი უნდა გაორმაგდეს მოცულობაში. აფუებული ცომი გადმოიღეთ სამუშაო მაგიდაზე და მსუბუქად გააბრტყელეთ, დაიხმარეთ ფქვილი საჭიროებისამებრ, დააყარეთ ქიშმიში და გადაზილეთ. ცომი გაყავით 12 თანაბარ გუნდად. მოამრგვალეთ და თანაბრად გადაანაწილეთ საცხობ ლანგარზე, რომელზეც წინასწარ დააფენთ პერგამენტს. გადააფარეთ ნაჭერი და დატოვეთ ასაფუებლად სითბოში 20 წუთი. გააცხელეთ ღუმელი 180 გრადუსზე. აფუებულ ფუნთუშებს ფუნჯით გადაუსვით კვერცხის გულის და წყლის ნაზავი, გამოაცხვეთ 20-30 წუთი ან ვიდრე ოქროსფერი არ გახდება. გააგრილეთ ფუნთუშები და გადადით მორთვაზე - აურიეთ შაქრის პუდრი და რძე, უნდა მიიღოთ სქელი მინანქარი. მოათავსეთ საკონდიტრო ტომარაში წვრილი თავით და დაახატეთ ფუნთუშებს ჯვრები.

1 ღორის კანჭი Beretta 1 კგ კარტოფილი 3 დაფნის ფოთოლი 3-4 ს.კ ზეითუნის ზეთი მარილი, ორეგანო, პაპრიკა გემოვნებით გავთალოთ კარტოფილი და დავჭრათ კუბებად, მოვხარშოთ მარილწყალში დაფნის ფოთლებთან ერთად, მზადყოფნამდე.  გავაცხელოთ ღუმელი 200 გრადუსზე. მოხარშულ კარტოფილს გადავუწუროთ სითხე, გადავიტანოთ საცხობ ლანგარზე და მოვასხათ ზეთი, მოვაყაროთ მარილი, ორეგანო და პაპრიკა, ავურიოთ და შევდგათ ღუმელში 10 წუთით. დროსი გასვლის შემდეგ, გამოვიღოთ ლანგარი, კარტოფილთან ერთად მოვათავსოთ ბერეტას კანჭი (რომელსაც მხოლოდ 15 წუთი გაცხელება სჭირდება) და დავაბრუნოთ ღუმელში 15 წუთით.  გემრიელად მიირთვით!

შუს ცომი:125 მლ წყალი 125 მლ Le Gall-ის რძე 5 გ შაქარი ¼ ჩ.კ მარილი 100 გ Le Gall-ის კარაქი 150 გ ფქვილი 4 ცალი საშუალო ზომის კვერცხი კრაკელინი: 50 გ კარაქი 62 გ ყავისფერი შაქარი 62 გ ფქვილი ფსტის საკონდიტრო კრემი: 750 მლ Le Gall-ის რძე 6 კვერცხის გული 180 გ შაქარი 90 გ სიმინდის სახამებელი 300 გ Le Gall-ის კრემ ყველი 45 გ ფსტის პასტა შუს ცომი: სქელძირიან ქვაბში მოვათავსოთ წყალი, რძე, შაქარი, მარილი და კუბებად დაჭრილი კარაქი, მივიყვანოთ ადუღებამდე, ჩავყაროთ ფქვილი და კარგად ავურიოთ. ვურიოთ განუწყვეტლივ, ვშუშოთ დაბალ ცეცხლზე 5 წუთი. ცომი გადავიტანოთ მიქსერის თასში და დავიწყოთ თქვეფა, როდესაც შეგრილდება, დავიწყოთ კვერცხის დამატება ეტაპობრივად, ვთქვიფოთ, ვიდრე ერთგვაროვან ცომს არ მივიღებთ. ცომი მოვათავსოთ საკონდიტრო ტომარაში და შევინახოთ გამოყენებამდე. კრაკელინი: ოთახის ტემპერატურის კარაქი, შაქარი და ფქვილი გადავურიოთ, უნდა მივიღოთ ერთგვაროვანი ცომი, რომელსაც გავაბრტყელებთ ორ პერგამენტს შორის ძალიან თხლად და შევინახავთ საყინულეში რამდენიმე წუთით, რომ გამყარდეს. ვაცხელებთ ღუმელს 180 გრადუსზე. პერგამენტ დაფენილ საცხობ ფირფიტაზე დავსვამთ დაახლოებით 3 სმ დიამეტრის შუებს. შემდეგ გაყინული ცომიდან ამოვჭრით წრეებს, 1 სანტიმეტრით დიდს, ვიდრე შუებია, დავალაგებთ შუს ცომზე და ვაცხობთ 35-45 წუთი, ან ვიდრე ოქროსფერი არ გახდება. ამ რაოდენობის ცომით გამოგივათ 2 ფირფიტა, სანამ პირველი ფირფიტა ცხვება, დარჩენილი ცომი შეინახეთ საკონდიტრო ტომარაში. კრემი: გააცხელეთ რძე, პარალელურად გათეთრებამდე ათქვიფეთ კვერცხის გულები და შაქარი, დაუმატეთ სახამებელი და გადათქვიფეთ. ადუღებული რძის ნახევარი დაასხით კვერცხიან მასას, ათქვიფეთ, დაასხით დარჩენილი რძე, აურიეთ და დააბრუნეთ ქვაბში, მოხარშეთ დაბალ ცეცხლზე განუწყვეტელი მორევით 3-4 წუთით. კრემი გადაიტანეთ ჯამში, შეფუთეთ სამზარეულოს პარკით და გააგრილეთ. როდესაც შუები გაგრილდება, კრემი ათქვიფეთ ვიდრე ერთგვაროვან, პრიალა მასას არ მიიღებთ, დაუმატეთ კრემყველი და ფსტის პასტა, გადათქვიფეთ. შუს, ხერხიანი დანით მოაჭერით თავები. კრემი გადაიტანეთ საკონდიტრო ტომარაში და ამოავსეთ ნამცხვრები, დაახურეთ “ქუდი”, სურვილისამებრ მოაყარეთ დაჭრილი ფსტა და შაქრის პუდრი.

დაგჭირდებათ:   100 გ Whole Earth-ის მიწისთხილის პასტა 70 გ აგავის სიროფი (ან თაფლი) 50 ნიგოზი ან სხვა თხილეული 30 გ Sonko-ს ბრინჯის ორცხობილა 50 გ ქიშმიში 100 გ Cachet-ს შავი შოკოლადი 1 ს.კ. ზეთი მწიკვი ზღვის მსხვილი მარილი   მიწისთხილის პასტა და აგავის სიროფი შემოდგით დაბალ ცეცხლზე ქვაბით, შეათბეთ, რომ მიიღოთ თხევადი მასა.    ჯამში მოათავსეთ ხელით დაფშვნილი ბრინჯის ორცხობილა და დაჭრილი ნიგოზი, დაასხით მიწისთხილის და სიროფის თბილი მასა, კარგად აურიეთ და გადაიტანეთ ქაღალდჩაფენილ ყალიბში (15X20 სმ), ჩატკეპნეთ კოვზით. გაანაწილეთ ქიშმიში მთელ ზედაპირზე.   წყლის აბაზანაზე დაადნეთ შოკოლადი და ზეთი, მოასხით ქიშმიშს, გაანაწილეთ თანაბრად და მოაყარეთ მარილი.   გააცივეთ მაცივარში 2-3 საათი, დაჭერით კუბებად და ისიამოვნეთ. 

  კრაკელინისთვის დაგჭირდებათ: 50გრ. Lurpak-ის კარაქი (დარბილებული) 50გრ. ყავისფერი შაქარი 50გრ. ფქვილი ყველა ინგრედიენტი მოვათავსოთ ჯამში. თავიდან იქნება ფხვიერი, შემდეგ კი ცომი შეიკვრება მარტივად. მზა ცომი დავდოთ პერგამენტის ქაღალდზე, ზევიდან დავაფინოთ ისევ პერგამენტის ქაღალდი და გავაბრტყელოთ. გავაჩეროთ მაცივარში 1 საათით. შემდეგ ამოვჭრათ რგოლები და მზა შუს ცომს დავადოთ თავზე.   შუს ცომისთვის დაგჭირდებათ: 250 მლ. წყალი 60გრ. Lurpak-ის კარაქი მწიკვი მარილი 150 გრ. ფქვილი 3 ც. კვერცხი წყალი, მარილი და კარაქი წამოვადუღოთ, ჩავაყაროთ ფქვილი ერთიანად და მოვურიოთ ხის კოვზით, სანამ ცომი გუნდასავით არ შეიკვრება, ქვაბს აღარ მიეკვრება და მის ძირზე თეთრ ნადებს არ გაიკეთებს. ცომი გადავიტანოთ სათქვეფ ჯამში და სათითაოდ შევათქვიფოთ კვერცხი. მზა ცომი უნდა პრიალებდეს. ცომი მოვათავსოთ საკონდიტრო ტომარაში და პერგამენტ დაფენილ საცხობ ფორმაზე დავსვათ სასურველი ფორმები. ზედ მოვათავსოთ ამოჭრილი კრაკელინის ცომი და ვაცხობთ გახურებულ ღუმელში 180 გრადუსზე 20-25 წუთით. გამზადების შემდეგ ღუმელი ოდნავ შეაღეთ და გააჩერეთ კიდევ 10 წუთით,  კარგად რომ გამოშრეს. გაითვალისწინეთ, ცომი გამოცხობისას იმატებს და  ერთმანეთზე არ მიგეკრათ. შუები გავაციოთ და შეგვიძლია დავკრემოთ შოკოლადის და ნაღების კრემით. ნაღების კრემი Sterilgarda-ს ნაღები 36%-იანი შაქრის პუდრა 4ს/კ ნაღები კარგად რომ ამოვიდეს, ყველა საჭირო ნივთი უნდა იყოს კარგად გაციებული. ნაღები უშუალოდ მომზადების წინ უნდა გამოვიღოთ მაცივრიდან. ვთქვიფავთ დაბალ სიჩქარეზე და ნელ-ნელა მოვუმატებთ სიჩქარეს. კრემისებრ მასას რომ მიიღებთ, დაუმატეთ შაქრის ფხვნილი. მასა როგორც კი გამკვრივდება შეწყვიტეთ თქვეფა და უგემრიელესი კრემიც მზადაა. შოკოლადის კრემი 250მლ. Sterilgarda-ს რძე 150გრ. შაქარი 2ს/კ კაკაო 3 ს/კ ფქვილი 100გრ. Lurpak-ის კარაქი 50გრ. Cachet-ს შავი შოკოლადი რძე, ფქვილი, შაქარი, კაკაო ავურიოთ ერთმანეთში და მოვხარშოთ ფაფა. გადმოვდგათ გაზქურიდან, დავამატოთ შავი შოკოლადი და 50გრ. ლურპაკის კარაქი. ავურიოთ და გავაციოთ. გაციებულ ფაფას შევათქვიფოთ 50გრ. რბილი ლურპაკის კარაქი. შოკოლადის კრემიც მზადაა. მომზადებული შუები დავკრემოთ სასურველი კრემით. დააყოვნეთ 1 საათი და მიირთვით გემრიელად. გამოდის 12 ცალი.

ინგრედიენტები: ხორბლის ფქვილი -750გრ. Sterilgarda-ს რძე - 200მლ. წყალი-200მლ. საფუარი-1ს/კ შაქარი- ნახ. ჩ/კ მარილი-ნახ. ჩ/კ სიმინდის ფქვილი-2ს/კ მომზადების წესი: ჯამში ჩაასხით სტერილგარდას თბილი რძე, დაუმატეთ შაქარი, მარილი, საფუარი და გახსენით. დატოვეთ 15 წუთით. ცალკე ჯამში მოათავსეთ ხორბლის და სიმინდის ფქვილი, დაუმატეთ თბილი წყალი და საფუვრიანი მასა. მოზილეთ ცომი (წებოვანი ცომია). გადააფარეთ და გააჩერეთ  1 საათით, მასის გაორმაგებამდე. როდესაც ცომი გაორმაგდება, ჩავზილავთ და გავაჩერებთ მაცივარში 30-40 წუთით. ცომი გაყავით 4 ნაწილად, გადაკეცეთ ფრთხილად და მიეცით ბაგეტის ფორმა, გადაიტანეთ საცხობ ქაღალდზე, გადაუსვათ წყალი, გადააფარეთ და დააყოვნეთ კიდევ 15 წუთით. გაუკეთეთ ჭრილები და გამოაცხვეთ  190 გრადუსზე 20 წუთით. (ღუმელში ჩადეთ რამდენიმე ყინულის კუბიკი).   ხორცის ბურთები საქონლის ფარში-500გრ. ხახვი-1 ცალი ნიორი-2 კბილი მარილი, პილპილი კვერცხი-1ც. Lurpak-ის კარაქი-50გრ. (შესაწვავად) გატარებულ ხორცის ფარშს დავუმატოთ წვრილად გახეხილი ხახვი, ნიორი, მარილი, პილპილი და კვერცხი.  მივცეთ ფორმა და შევწვათ ლურპაკის კარაქში, ორივე მხრიდან. სოუსისთვის: ლურპაკის კარაქში მოვთუშოთ ხახვი, დავუმატოთ Pomi-ს ტომატ-პასტა , 100გრ. წყალი, მარილი, პილპილი, ჩავალაგოთ ბურთები, მოვაყაროთ ცოცხალი ქინძი. უკვე მომზადებულს მოვასხათ Zucchi-ს ზეითუნის ზეთი. სენდვიჩისთვის: ავიღოთ საშუალო ზომის ბაგეტი, გავჭრათ შუაზე. ჩავალაგოთ თხლად დაჭრილი Granarolo-ს მოცარელა, გადავუსვათ სოუსი, მოვალაგოთ ხორცის ბურთულები, მოვაყაროთ გახეხილი Granarolo-ს პარმეზანი. დავადოთ ბაგეტის მეორე ნახევარი და მივირთვათ გემრიელად!