თათარიახლი

დროა მოვამზადოთ უგემრიელესი კერძი - თათარიახლი

თათარიახლის მოსამზადებლად დაგჭირდებათ:

• 2 კგ. საქონლის ხორცი
• ბრინჯის ატრია
• სუნელები
• 2 ცალი სტაფილო
• 2 ხახვი
• 1 კგ. საქონლის ბეჭის ხორცი
• 1 ს.კ. Mazzetti-ს ვაშლის ძმარი
• 1.ჩ.კ. Bornier-ის დიჟონური მდოგვი.
• 20 ცალი ბაჰარი
• 4 ცალი დაფნის ფოთოლი
• ½ ჩ.კ. ქინძის თესლი
• 2 თავი ნიორი
• 1 ს.კ. სიმინდის სახამებელი
• 1 კონა ქინძი
• Zucchi-ს მზესუმზირის ზეთი
• ½ კონა მწვანე ხახვი

 მომზადების წესი:

თათარიახლის მოსამზადებლად მოვხარშოთ ძვლები, ჩავამტოთ წყალში სტაფილო და ხახვი, წამოვადუღოთ, მოვქაფოთ, გავრეცხოთ და  გამოვუცვალოთ წყალი.

ბეჭის ნაჭერი დავჭრათ თხელ ნაჭრებად. მოვაყაროთ პილპილის მიქსი და მარილი. მოვასხათ Mazzetti-ს ვაშლის ძმარი და ერთი ჩაის კოვზი Bornier-ის დიჟონური მდოგვი. ავურიოთ, გადავაკრათ ცელოფანი და შევინახოთ მაცივარში დასამარინადებლად.

წყალგამოცლილ ძვლებს დავამატოთ 15 -20 ცალი ბაჰარი, იგივე სურნელოვანი პილპილი. 4 ცალი დაფნის ფოთოლი. ნახევარი ჩაის კოვზი ქინძის თესლი. წამოდუღების შემდეგ კი მოვაყაროთ მარილი და დავუწიოთ ცეცხლს მინიმუმზე. დაახლოებით 40 წუთის ხარშვის შემდეგ ამოვიღოთ დაფნის ფოთოლი და დავამატოთ ქვაბში დაჭყლეტილი ნიორი. ვხარშოთ კიდევ ერთი საათი.

დავალბოთ წყალში ბრინჯის ატრია 25 წუთით.

ჩოფერში მოვათავსოთ ერთი კონა ქინძი ღეროების გარეშე, ერთი თავი ნიორი, მოვასხათ Zucchi-ს მზესუმზირის ზეთი და დავაბლენდეროთ.

ბულიონი გადმოვიტანოთ ცალკე ქვაბში. შესასქელებლად დავამატოთ 1 ს.კ. სიმინდის სახამებელი შესასქელებლად. ჩავყაროთ შიგნდით ატრია, წამოვადუღოთ და დავამატოთ დამარინადებული ხორცის ნაჭრები. გადმოვიღოთ თეფშზე და მოვასხათ ქინძისა და ნივრის ემულსია და მოვაყაროთ წვრილად დაჭრილი მწვანე ხახვი.

კერძი მზადაა, შეგიძლიათ გემრიელად მიირთვათ!