ჩვენ შესახებ

 

ევროპროდუქტი ქართულ ბაზარზე 2004 წლიდან ოპერირებს და საქმიანობა დაიწყო, როგორც სადისტრიბუციო კომპანიამ, რომელმაც ადგილობრივ ქსელებსა და მარკეტებს ევროპული ბრენდების მიწოდება პირველად ფინური Valio-ს კარაქით შესთავაზა.

2014 წელს გაიხსნა პირველი ევროპროდუქტის სუპერმარკეტი, რომელიც დღეს უკვე 41 ფილიალით არის წარმოდგენილი თბილისში და საქართველოს სხვადასხვა რეგიონში.

ჩვენი მიზანია ქართველ მომხმარებელს ევროპული ხარისხის პროდუქცია პირდაპირ მწარმოებლებისგან შევთავაზოთ. სწორედ ამიტომ, ევროპროდუქტის ასორტიმენტში წარმოდგენილია 2 000-მდე დასახელების პროდუქტი, მათ შორის ორგანული, უგლუტენო, ულაქტოზო, ვეგანური და უშაქრო კატეგორიები, რომლებიც თანამედროვე და ჯანსაღი ცხოვრების წესის მოთხოვნებს პასუხობს.

ევროპროდუქტში წარმოდგენილია მსოფლიოს წამყვანი ევროპული ბრენდების პროდუქცია. ჩვენს ასორტიმენტში შეხვდებით ჰოლანდიური Frico-ს, ფინური Valio-სა და იტალიური Granarolo-ს რძის პროდუქტებს, ესპანური ElPozo-სა და იტალიური Beretta-ს ხორცპროდუქტებს, თურქული Dardanel-ის ზღვის პროდუქტებს, ბელგიური Cachet-ისა და ფინური Fazer-ის შოკოლადებს, ფრანგული Baron Fuente-ს შამპანურსა და Bernard Magrez-ის ღვინოებს, იტალიური Bottega-ს სასმელებს, ფინურ Laplandia-ს არაყს და სხვა მრავალ საერთაშორისო ბრენდს.

გარდა ამისა, ევროპროდუქტში ხელმისაწვდომია ისეთი ბრენდებიც, რომლებიც საქართველოში სხვა ქსელებში პრაქტიკულად არ მოიპოვება და ხშირად მხოლოდ Duty Free-ს მაღაზიებშია წარმოდგენილი, მათ შორის Anthon Berg, Ritter Sport, Reber Mozart და Walkers.

ჩვენი ასორტიმენტის 40%-ზე მეტი საქართველოში ექსკლუზიურად მხოლოდ ევროპროდუქტში იყიდება. იმპორტისა და დისტრიბუციის საკუთარ სისტემაზე დაყრდნობით კი მომხმარებელს პროდუქციას კონკურენტულ ფასად ვთავაზობთ.

ჩვენთვის განსაკუთრებით მნიშვნელოვანია პროდუქტის წარმომავლობა, ხარისხი და უსაფრთხოება. სწორედ ამიტომ, ვთანამშრომლობთ მხოლოდ სანდო ევროპელ მწარმოებლებთან, რომლებიც პროდუქციას ევროკავშირის მკაცრი სტანდარტებისა და ხარისხის კონტროლის სრული დაცვით აწარმოებენ.

ევროპული პროდუქცია მსოფლიოს მასშტაბით ასოცირდება ხარისხთან, სანდოობასთან და თანამედროვე წარმოების კულტურასთან. სწორედ ამ ღირებულებების გაზიარებით, ევროპროდუქტი უკვე ორ ათეულ წელზე მეტია ქართველ მომხმარებელს სთავაზობს ყოველდღიური მოხმარების პროდუქტებს, რომელთა ხარისხიც საერთაშორისო სტანდარტებითაა დადასტურებული.

ევროპროდუქტი — ევროპული ხარისხი, რომელსაც ყოველდღე ენდობით.