სააღდგომო კრაფინი

სააღდგომო კრაფინისთვის საჭირო ინგრედიენტები:

• 300 გ უმაღლესი ხარისხის ფქვილი
• 70 გ შაქარი
• 7 გ მომენტალური საფუარი
• 1 კვერცხი
• 120 მლ რძე
• 1 ჩ.კ ვანილის ექსტრაქტი
• მწიკვი მარილი
• 50 გ კარაქი
• ⅓ ჭიქა ქიშმიში ან შტოში
• ⅓ ჭიქა ნიგოზი
• 30 გ კარაქი
• 3 ს.კ შაქარი

სააღდგომო კრაფინის მომზადების წესი:

ცომის მოზელამდე ინგრედიენტები 1 საათით ადრე გამოიღეთ მაცივრიდან და შეათბეთ ოთახის ტემპერატურამდე. რძე გაათბეთ ქვაბით, არ გააცხელოთ!

ჯამში ჩაყარეთ ფქვილი, საფუარი, შაქარი, ათქვეფილი კვერცხი, ჩაასხით ვანილი და რძე. დაიწყეთ ცომის მოზელა. როდესაც მასა შეიკვრება, დაამატეთ მარილი და კუბებად დაჭრილი კარაქი, ვზელთ მიქსერის ჯამში კაუჭით ან ხელით. 

უნდა მიიღოთ ელასტიკური, რბილი ცომი.

გადაფუთეთ ჯამი პარკით ჰერმეტულად და დადეთ თბილ ადგილას ასაფუებლად, მოცულობა უნდა გაორმაგდეს.

დაჭერით ქიშმიში და ნიგოზი წვრილად.

ცომი გააბრტყელეთ ფქვილის დახმარებით დაახლოებით 40x40-ზე.

წაუსვით დამდნარი კარაქი (30გ), მოაყარეთ შაქარი, ქიშმიში და ნიგოზი. გადაახვიეთ რულეტად.

გაჭერით რულეტი სიგრძეზე, დაუტოვეთ გადაბმა გაუჭრელი. ორივე ბოლო დააგორგლეთ და გადაადეთ ერთმანეთს. მოათავსეთ 850 გრამიან პასქის ყალიბში და დატოვეთ თბილ ადგილას ასაფუებლად, რომ 2 -ჯერ გაიზარდოს მოცულობა.

გააცხელეთ ღუმელი 180 გრადუსზე. კრაფინი გამოაცხვეთ 40-45 წუთი. თუ ზედაპირი ზედმეტად დაებრაწა, გადააფარეთ ფოლგა ცხობისას.

გაგრილებულს მოაყარეთ შაქრის პუდრი.