ბადრიჯანი პარმეჯანა

• 2 ცალი დიდი ბადრიჯანი,
• Palade-ს ზეითუნის ზეთი,
• 1 ქილა Juan Jose Jimenez -ის კანგაცლილი პომიდორი,
• 50 გრამი Lurpak-ის კარაქი,
• 250 გრამი მოცარელა,
• 150 გრამი Granarolo - ს პარმეზანი რეჯიანო,
• პანკო,
• 6 კბილი ნიორი,
• ბაზილიკი
• მარილი,
• პილპილი,
• დაღერღილი წიწაკის ფანტელი.

მომზადების წესი:

დავასხათ საცხობ ფირფიტაზე ცოტა ზეთი, დავაფინოთ პერგამენტი და დავალაგოთ თხლად დაჭრილი ბადრიჯანი. მსუბუქად მოვაყაროთ მარილი და მოვასხათ Palade-ს ზეითუნის ზეთი ექსტრა ვირჯინი. გავაცხელოთ ღუმელი 180 გრადუსზე და შევდგათ გამოსაცხობად.

მოვამზადოთ სოუსი. დავასხათ ტაფაზე 3 სუფრის კოვზი ზეითუნის ზეთი, ჩავყაროთ დაკეპილი ნიორი, მშრალი ბაზილიკი, ჩილის ფანტელები და გადმოვდგათ ცეცხლიდან. დავამატოთ ტაფას Juan Jose Jimenez-ის კანგაცლილი, დაბლენდერებული პომიდორი, 100 მლ ღვინო, 50 გრამი Lurpak-ის კარაქი, მარილი, პილპილი და წამოვადუღოთ.

გავხეხოთ ორივე სახის ყველი. ტაფაზე მოვასხათ ზეითუნის ზეთი, მოვაყაროთ ოდნავ პანკო ან საფანელი. ჩავალაგოთ გამომცხვარი ბადრიჯანი. მოვაყაროთ მოცარელა, მოვასხათ სოუსი, მოვაყაროთ პანკო და პარმეზანი. დავალაგოთ შემდეგი ფენა იგივე რიგითობით. შევდგათ 180 გრადუსზე გახურებულ ღუმელში 20 წუთით გამოსაცხობად. გემრიელად მიირთვით.