შნიცელი ტარტარის სოუსით და დამარინადებული კომბოსტოთი

• Elpozo Legado-ს ღორის სტეიკი - 2ც
• Kolios-ის ბერძნული იოგურტი - 500გრ
• Melis-ის მჟავე კიტრი -200გრ
• Melis-ის კაპერსი - 40გრ
• Melis-ის ჰალაპენიო - 20გრ
• Melis-ის მჟავე წითელი კომბოსტო - 500გრ
• Melis-ის მჟავე თეთრი კომბოსტო - 500გრ
• Bornier-ის თაფლიანი მდოგვი - 1სკ
• Bornier-ის მარცვლოვანი მდოგვი - 1სკ
• Zucchi-ს ზეითუნის ზეთი
• Zucchi Palade-ს სიმინდის ზეთი (შეწვისთვის)
• ლიმონი - 3ც
• ფქვილი - 50გრ
• კვერცხი -2ც
• პანკოს საფანელი - 100გრ
• რუკოლა
• ახალი ქინძი
• ნიორი
• მარილი
• ფერადი პილპილი

Elpozo Legado -ს ღორის სტეიკი გააბრტყელეთ ორივე მხრიდან და მოაშორეთ ზედმეტი ცხიმი. მოაყარეთ მარილი და პილპილი. ცალ-ცალკე ჭურჭელში მოამზადეთ ფქვილი, ათქვეფილი კვერცხი და პანკო. სტეიკი ჯერ ამოავლეთ ფქვილში, შემდეგ კვერცხში და ბოლოს პანკოში. ტაფაზე გააცხელეთ Zucchi Palade-ს სიმინდის ზეთი. მოათავსეთ სტეიკები და შეწვით 3-3 წუთის განმავლობაში ორივე მხრიდან.

ტარტარის სოუსი: ჯამში გადაიტანეთ Kolios-ის ბერძნული იოგურტი, წვრილად დაჭრილი Melis-ის მჟავე კიტრი, კაპერსი, ჰალაპენიო, ახალი ქინძი და ნიორი. დაუმატეთ ლიმონის წვენი, მარილი და ფერადი პილპილი გემოვნებით. ყველაფერი კარგად აურიეთ.

გარნირი: ერთმანეთს შეურიეთ Melis-ის მჟავე წითელი და თეთრი კომბოსტო, Bornier-ის თაფლიანი და მარცვლოვანი მდოგვი, ცოტა Zucchi-ს ზეითუნის ზეთი, ცოტა ლიმონის წვენი და რუკოლა.

სერვირება

თეფშზე გადაუსვით მომზადებული ტარტარის სოუსი, ზემოდან დაადეთ შნიცელი, ხოლო გვერდით მოუთავსეთ დამარინადებული კომბოსტოს გარნირი და ლიმონის ნაჭერები.