ელარჯი და ხარჩო

ელარჯი და ხარჩო ქართული სამზარეულოს ვარსკვლავია, რომელიც ძალიან ბევრი ადამიანის ფავორიტია.

ინგრედიენტები:

• 1 კგ. ღერღილი
• 350 გრ. ნიგოზი
• 850 საქონლის ბეჭის ხორცი
• 2 ხახვი
• 2-3 ცალი ცხარე წიწაკა
• დაღერღილი წიწაკა გემოვნებით.
• მეგრული აჯიკა გემოვნებით.
• 2 ს.კ. უცხო სუნელი
• 2 ს.კ. ქინძი
• 3 ჩ.კ. ყვითელი ყვავილი
• 4-5 კბილი ნიორი
• 1,5 ლ საქონლის ძვლის ნახარში
• 5 ს.კ. მჭადის ფქვილი
• მარილი გემოვნებით
• Pomi-ს ტომატ პასტა
• 50 გრამი Lurpak - ის ორგანული, უმარილო კარაქი
• Zucchi-ს მზესუმზირის ბიო ზეთი
• 1 კგ სულგუნი

როგორ მოვამზადოთ ელარჯი და ხარჩო?

გავცრათ ღერღილი და გავრეცხოთ. გავატაროთ ხორცსაკეპ მანქანაში ნიგოზი.

მოვთუშოთ ხახვი Lurpak-ის კარაქში, სანამ გამჭვირვალე არ გახდება. დავუმატოთ 300 გრამი ბულიონი და ცოტა ამოვაშროთ.

დავჭრათ ხორცი, მოვბრაწოთ Zucchi-ს ბიო ზეთში და დავამატოთ ბულიონი.

ღომის ქვაბში ჩავყაროთ ღერღილი, დავამატოთ 1.5-ჯერ მეტი წყალი და მოვხარშოთ.

მოთუშულ ხახვს დავუმატოთ  1 ს.კ. ქინძი; 1 ს.კ. უცხო სუნელი; 1 ს.კ. ყვითელი ყვავილი; 1 ჩ.კ. მეგრული სუნელი; 2 ჩ.კ. Pomi-ს ტომატ პასტა და მოვთუშოთ.

გადმოვიტანოთ ხორცი სუნელებიან ხახვში და გავაგრძელოთ ხარშვა.

ჭყინტი სულგუნი ხელით დავანაწევროთ.

4 ს.კ. სიმინდის ფქვილი მოვხალოთ ტაფაში ხარჩოს გასასქელებლად.

დავამატოთ ხორცს 300 მლ. ბულიონის მასა და მოხალული სიმინდის ფქვილი. გავაზაოთ ერთმანეთში, მოვხარშოთ, დავამატოთ ნიგოზი და სუნელები საჭიროებისამებრ. 2 წუთი ვხარშოთ და გადმოვდგათ.

ჩავაყაროთ ღომს 2 ს.კ. სიმინდის ფქვილი, ცოტა ხანში დავამატოთ სულგუნი და კარგად ამოვზილოთ.

გადმოვიღოთ ორივე კერძი თეფშზე და დავასერვიროთ.  

https://www.youtube.com/watch?v=rNrcalG72AQ