რატატუი

• 3 ბადრიჯანი
• 3 ყაბაყი
• 2 წითელი ბულგარული
• 2 მწვანე ბულგარული
• 1 ყვითელი ბულგარული
• 3 ყვითელი პომიდორი
• 3 წითელი პომიდორი
• 2 თეთრი ხახვი
• ნიორი
• 1 ს.კ. ორეგანო
• 1 ს.კ. ბაზილიკი
• 1 ს.კ. ბეგქონდარა
• Zucchi-ს ზეითუნის ზეთი
• Mazzetti-ს ძმარი

მომზადების წესი:
ბოსტნეული დავჭრათ მრგვალ ნაჭრებად.

ავიღოთ ბადრიჯანი, დავადოთ წითელი ბულგარული, პომიდორი, ყაბაყი, ხახვი, მწვანე ბულგარული, მერე ისევ ბადრიჯანი. დავალაგოთ ტაფაზე მოცემული რიგითობით.

შუაში ჩავუდგათ ვერცხლის ქაღალდში გახვეული საცხობი ფორმა, რომელშიც მოვათავსებთ გაღვივებულ ნაკვერჩხალს, კერძისთვის შებოლილი არომატის მისაცემად.

შევდგათ ტაფა 180 გრადუსზე გახურებულ ღუმელში.

სოუსისთვის, დავწვათ პომიდორი და ხახვი.

ტაფაზე დავყაროთ სუნელები, მარილი, დაღერღილი წიწაკა და გავახუროთ. მოვაყაროთ დამწვარი ხახვი და მოვასხათ 3 ს.კ. Zucchi-ს ზეითუნის ზეთი. დავამატოთ 3 კბილი უხეშად დამტვრეული ნიორი და ერთად მოვთუშოთ ყველაფერი. ჩავდოთ ტაფაში კანთან ერთად დამწვარი პომიდვრები. დავამატოთ 1 მწიკვი შაქარი და 1 ½ ს.კ. Mazzetti-ს ძმარი.

დავაბლენდეროთ ტაფაში არსებული მასა, მოვაყაროთ მარილი, მოვასხათ ზეითუნის ზეთი და მოვასხათ რატატუის. ვაცხოთ 30-40 წუთი.