პომიდვრის და სტრაჩატელას გალეტი

გიზიარებთ პიცისებრ ღვეზელს იტალიური სამზარეულოდან, რომელიც სავსეა უგემრიელესი არომატებით და იქმნება საოცრად გემრიელი პროდუქტებით.

 ოიმარაგეთ იტალიური Granarolo-ს სტრაჩატელა, Zucchi-ს ზეითუნის ზეთი, ცოცხალი პომიდორი და შეუდექით ცხობას. გამოაცხვეთ უგემრიელესი გალეტი უქმეებზე.

ფხვიერი ცომის მოსამზადებლად დაგჭირდებათ:

• 240 გ უმაღლესი ხარისხის ფქვილი
• 110 გ ცივი კარაქი
• ½ ჩ.კ მარილი
• ½ ჩ.კ ხმელი ორეგანო
• მწიკვი შაქარი
• ⅓ ჭიქა ცივი წყალი

სხვა მასალა:

• 2 მოზრდილი პომიდორი
• 2 ს.კ ზეითუნის ზეთი
• მარილი, პილპილი გემოვნებით
• 2 ს.კ პესტო
• 100 გ სტრაჩატელა
• 1 კვერცხის გული
• ბაზილიკის ფოთლები

მომზადების წესი:

ფქვილი და ყველა მშრალი ინგრედიენტი აურიეთ, დაუმატეთ თხლად დაჭრილი ცივი კარაქი და ხელით ან საკვების პროცესორის დახმარებით დააქუცმაცეთ, უნდა მიიღოთ ფხვიერი მასა. დაუმატეთ წყალი და შეკარით ცომი, არ მოზილოთ. გადაფუთეთ საკვებ პარკში, მსუბუქად დატკეპნეთ და შეინახეთ მაცივარში მინიმუმ 1 საათით, უმჯობესია 1 ღამით.

გააცხელეთ ღუმელი 200 გრადუსზე.

ცომი გააბრტყელეთ ორ პერგამენტს შორის დაახლოებით 35 სმ დიამეტრზე.

გაბრტყელებული ცომი (პერგამენტით) გადაიტანეთ საცხობ ფირფიტაზე და დაალაგეთ დაჭრილი პომიდორი. გადაუკეცეთ გვერდები და ცომის კიდეებს გადაუსვით კვერცხის გულის და 1 ს.კ წყლის ნაზავი.

პომიდორს მოასხით ზეითუნის ზეთი, მოაყარეთ მარილი და ახალდაფქული პილპილი. გამოაცხვეთ 40-50 წუთი ან ვიდრე ცომი ოქროსფერი არ გახდება.

ოდნავ შეაგრილეთ და თანაბრად გადაანაწილეთ პესტო და სტრაჩტელა, მოაყარეთ ცოცხალი ბაზილიკის ფოთლები.

გემრიელად მიირთვით!