საზაფხულო დესერტი ულაქტოზო რძით

ინგრედიენტები:

• 4 კვერცხი
• 100 გ. შაქარი
• 40 გ. სიმინდის სახამებელი
• 500 მლ. Valio Eila-ს ულაქტოზო რძე
• 5 გ. ვანილიანი შაქარი
• 150 გ. Valio Eila-ს ულაქტოზო კარაქი
• 1 შეკვრა ორცხობილა
• 200 გ. ჟოლო
• 200 გ. მოცვი

4 კვერცხის გულში შევურიოთ 100 გრამი შაქარი და 40 გრამი სიმინდის სახამებელი და გავაკეთოთ გოგლი-მოგლი გათეთრებამდე.

გავაცხელოთ ნახევარი ლიტრი ულაქტოზო რძე. პირველ ორთქლს რომ გაუშვებს, გადმოვდგათ ცეცხლიდან. ნელა შევურიოთ კვერცხის მასა რძეს. გამორეცხილ ქვაბში ჩავაბრუნოთ მიღებული მასა. დავდგათ საშუალო ცეცხლზე და ვურიოთ ორი წუთის განამვლობაში შესქელებამდე და შევურიოთ 50 გრამი ულაქტოზო კარაქი.

100 გრამი ოთახის ტემპერატურაზე დარბილებული კარაქი, ავურიოთ გაციებულ კრემს.

ავიღოთ ჭიქა, ჩავფშხვათ ორი ცალი ორცხობილა, დავამატოთ ჟოლო და ცოტა ჩავჭყლიტოთ. დავამატოთ კრემი, მოვუსწოროთ პირი, დავალაგოთ ზემოდან მოცვი და ჟოლო.