იაკიტორი

იაკიტორი უგემრიელესი კერძია აზიური სამზარეულოდან, რომელიც საკმაოდ უცხო და საინტერესო გემოებით გამოირჩევა. თუ კულინარიულ თავგადასავალს ეძებთ, მაშნ ეს კერძი აუცილებლად უნდა მოამზადოთ.

ინგრედიენტები:

• 1 კგ ქათმის შავი ხორცი (თეძო,ბარკალი)
• 1 კონა მწვანე ხახვი
• მწვანე წიწაკა 3-4 ცალი
• ჩილი
• 1 ან 2 კბილი ნიორი
• 4 ს.კ. სოიოს სოუსი
• Mazzetti-ს შავი ბალზამიკოს ძმარი
• Zucchi-ს მზესუმზირის ზეთი
• შაქარი
• არაყი
• ბრინჯის ძმარი
• ½ ჩ.კ. სოდა

როგორ მოვამზადოთ იაკიტორი?

დავამუშაოთ ხორცი, მოვაცილოთ ძვალი და დავჭრათ სამწვადე ნაჭრებად.

მოვაჭრათ მწვანე ხახვს თავები, დავჭრათ წიწაკა სამ ნაწილად.

ჯამში ჩავყაროთ ხორცის ნაჭრები და მწვანე ხახვის დარჩენილი ნაწილი. მოვასხათ 2.5 ს.კ. სოიოს სოუსი, ბრინჯის ძმარი, მოვაყაროთ ცხარე ჩილი, ½ ჩ.კ. სოდა და ამოვურიოთ.

დავიწყოთ შამფურებზე აგება. ბამბუკის დასველებულ ჯოხებზე წამოვაცვათ წიწაკა, ქათმის ხორცი, მწვანე ხახვის თავი, ისევ ქათამი და ა.შ. მითითებული რიგითობით.

მოვამზადოთ სოუსი:

დავდგათ ქვაბი ცეცხლზე და ჩავასხათ 50 მლ სოიოს სოუსი. ჩავაგდოთ ერთი დაჭყლეტილი ნიორი, დავამატოთ რამდენიმე უხეშად დაჭრილი მწვანე ხახვი, 1 ს.კ. იტალიური Mazzetti-ს შავი ძმარი, 1 ს.კ. ბრინჯის ძმარი, ½ ს.კ. შაქარი, მოვურიოთ და დავამატოთ 40 მლ. არაყი. შაქარი რომ გაიხსნება გადმოვდგათ სოუსი ცეცხლიდან.

დავიწყოთ შეწვა:

თუ გაქვთ მაყალი, მოვათავსოთ მათზე ნაკვერჩხლები და დავალაგოთ მასზე შამფურები.

მაყალის ალტერნატივად შეგიძლიათ გამოიყენოთ გაზქურაზე შემოდგმული რკინის საწური და მათში ჩალაგებული ნაკვერჩხლები.

ტაფაზე მოვათავსოთ ასევე გრილის ტაფა და მოვასხათ მასზე იტალიური Zucchi-ს ზეთი.

ნაკვერჩხალზე შებოლილი შამფური გადმოვიტანოთ გრილზე და შევწვათ.

შეწვისას წავუსვათ მანამდე მომზადებული სოუსი.

დავაბრუნოთ შამფურები ნაკვერჩხალზე, გავაგრძელოთ შებოლვა და გადმოვიტანოთ თეფშზე.

https://www.youtube.com/watch?v=jsz4RN1Hd74