ბურატას და ატმის სალათა

ბურატასა და ატმის კომბინაციით შექმნილი უგემრიელესი სალათა იტალიური სამზარეულოს შედევრია, რომლის მომზადებაც საკმაოდ მარტივია.

2 ულუფის მოსამზადებლად დაგჭირდებათ:

• 2 ბურატა
• 3 ს.კ. ზეითუნის ზეთი
• 1 ატამი
• 150 გ სალათის ფოთოლი (რუკოლა, აისბერგი და სხვა)
• ½ წითელი ხახვი
• ¼ ჭიქა ნიგოზი
• 150 გ ჩერი პომიდორი
• ბაზილიკის 2 ტოტი
• მარილი, პილპილი გემოვნებით
• 1 ს.კ ბალზამირებული ძმარი

მომზადების წესი:

სალათის ფურცლები გავრეცხოთ, კარგად გავაშროთ და დავანაწევროთ ხელით.

გრილის ტაფაზე მოვბრაწოთ ატამი ცოტაოდენ კარაქში და ზეითუნის ზეთში, ხახვი დავჭრათ სასურველ ნაჭრებად. ნიგოზი დავჭრათ მსხვილად, ჩერი გავჭრათ ორად.

 სალათის ასაწყობად თეფშზე დავალაგოთ სალათის ფოთლები, ჩერი, მოვაყაროთ მარილი, პილპილი, ხახვი, ბაზილიკის ფოთლები, ნიგოზი, ცენტრში დავდოთ ბურატა და შემწვარი ატამი. მოვასხათ ზეთი და ძმარი, მოვაყაროთ პილპილი დამატებით, სურვილისამებრ.