ტირამისუ

ტირამისუ იტალიური დესერტია, რომელმაც თავი ძალიან ბევრ ადამიანს შეყვარა. ამჯერად გაგიზიარებთ თუ როგორ შეიძლება მოვამზადოთ კლასიკური ტირამისუ მარტივად.

ინგრედიენტები:

• 4 კვერცხის გული
• 150 გ შაქარი
• 300 გ მასკარპონე
• 300 გ ნაღები 33-36%
• 300 გ სავოიარდის ორცხობილა
• 5 ჩ.კ. ხსნადი ყავა
• 2 ჩ.კ. შავი რომი
• 20 გ კაკაოს ფხვნილი

 ტირამისუს მომზადება:

მოვამზადოთყავა დასანამად - ავურიოთ ერთმანეთში 700 მლადუღებულიწყალი, 5 ჩ.კ. ყავა, 2-3 ჩ.კ. შავირომი და გავაგრილოთ.

კრემის მოსამზადებლად კვერცხის გულები და შაქარი მოვათავსოთ განიერ, ცეცხლგამძლე ჯამში.

პატარა ქვაბით ავადუღოთ წყალი და დავადოთ კვერცხის გულებიანი ჯამი (წყალი არ უნდა ეხებოდეს ჯამის ძირს).

ვიწყებთ კვერცხის თქვეფას ხელის სათქვეფით ორთქლის აბაზანაზე.

როდესაც შაქარი დადნება, მასა გაორმაგდება მოცულობაში და ღია ფერის გახდება, მოვხსნათ ქვაბიდან და გავაგრძელოთ თქვეფა მიქსერით, ვთქვიფოთ, ვიდრე მასა არ შეგრილდება.

მასკარპონე გადავიტანოთ ჯამში და გადავურიოთ, რომ დარბილდეს.

ცალკე ჯამში ავთქვიფოთ ნაღები გამყარებამდე, შემდეგ დელიკატურად (ნიჩბის დახმარებით) შევურიოთ მასკარპონეს.

უკვე გაგრილებული კვერცხის მასას ფრთხილად, თითო კოვზით შევურიოთ მასკარპონე/ნაღების ნაზავი, რომ არ აგვეჭრას კრემი. ნიშვნელოვანია, რომ ორივე მასის ტემპერატურა იყოს თანაბარი.

ტირამისუს ასაწყობად დაგვჭირდება ყალიბი 22X28-ზე.

ორცხობილებს ამოვავლებთ ყავაში, დავალაგებთ ერთ ფენად, მოვასხამთ კრემის ნახევარს, შემდეგ მეორე ფენა ორცხობილას. სულ ბოლოს კი კრემის მეორე ნახევარს. 

ნამცხვარს ვინახავთ მაცივარში მინიმუმ ერთი ღამით. უშუალოდ მირთმევის წინ მოაყარეთ კაკაო.