ბლომანჟე

• 2 ს/კ წყალი
• 1 შეკვრა ჟელატინი
• 2 ჭიქა მაღალპროცენტიანი ნაღები
• 1 ჭიქა რძე
• 80 გრ შაქარი
• ვანილი

პირველ რიგში ჩავალბოთ ჟელატინი წყალში და როდესაც ამოფუვდება, შევურიოთ ნაღების და რძის გაერთიანებულ მასას. მოვაყაროთ შაქარი და დავადგათ ქვაბი დაბალ ცეცხლზე. ვურიოთ ვიდრე შაქარი არ გალღვება. დავამატოთ ვანილი. მივიყვანოთ ნაღები ადუღებამდე და გადმოვდგათ ცეცხლიდან.

ოდნავ გაგრილებული მასა გადავანაწილოთ ჭიქებში.

დავაყოვნოთ მაცივარში რამდენიმე საათი და სასურველ კენკრასთან ერთად გემრიელად მივირთვათ.