სიცილიური პიცა

სიცილიური პიცა უგემრილესი კერძია, რომელიც იტალიაში მოგზაურობისას აუცილებლად უნდა გასინჯოთ. თუმცა თუ იტალიაში წასვლას ჯერ ვერ ახერხებთ, ჩვენი რეცეპტის დახმარებით შეგიძლიათ ეს უგემრიელესი პიცა მარტივად მოამზადოთ.

ინგრედიენტები:

• 600 გრამი ფქვილი
• 10 გრამი საფუარი
• მარილი
• Zucchi-ს ზეითუნის ზეთი
• Granarolo-ს კამეჩის მოცარელა
• Sterilgarda-ს მასკარპონე
• ტრიუფელის პესტო
• Granarolos სტრაჩატელა
• Elpozo-ს ჩორიზო
• შაშკვლავი
• Zucchi-ს პესტოს ზეთი
• 1 ხახვი
• 1 კბილი ნიორი
• დაღერღილი წიწაკა
• ½ ჩ.კ. ბაზილიკი
• Bella Contadina-ს მზეზე გამომშრალი პომიდორი
• Juan Jose Almirezi-ს დაბლენდერებული პომიდორი 1 ქილა

მოვამზადოთ სიცილური პიცის ცომი:

420 მლ. წყალში გავხსნათ 12 გრამი მარილი და 10 გრამი საფუარი. ჩავასხათ ფქვილში. დავამატოთ 12-20 გრამი ზეითუნის ზეთი და მოვზილოთ ცომი. ჩავასხათ ჯამში ზეთი, ამოვავლოთ ცომი და გავაჩეროთ 1.5 -2 საათი.

მოვამზადოთ პიცის სოუსი

მოვასხათ ტაფაზე შესაწვავი ზეითუნის ზეთი. ჩავყაროთ წვრილად დაჭრილი ხახვი. დავამატოთ 1 კბილი ნიორი, დაღერღილი წიწაკა და ½ ჩ.კ. ბაზილიკი. დავამატოთ პომიდვრის სოუსი და წამოვადუღოთ. მჟავიანობიდან გამომდინარე დავამატოთ მარილი, შაქარი და  ბალზამიკოს ძმარი.

დავასხათ ტაფაზე ზეითუნის ზეთი და დავდგათ ცეცხლზე. გადავიტანოთ ცომი და გავაბრტყელოთ. მოვასხათ სოუსი და მოვაყაროთ Granarolo-ს მოცარელა. როდესაც შებრაწვას დაიწყებს, მოვაყაროთ მზეზე გამშრალი პომიდორი. გადავიტანოთ ღუმელში.

მასკარპონეში გავურიოთ ტრიუფელის პესტო, დავამატოთ პესტოს ზეთი და დავაყაროთ მარილი. მოვაყაროთ Elpozo-ს ჩორიზო და კიდევ 2 წუთი შევაბრუნოთ ღუმელში.

გამოვიღოთ და დავადოთ მასკარპონეს მასა, დავაყაროთ შაშკვლავის ფოთლები და Granarolo-ს სტრაჩატელა.