წიწაკის კრემ-სუპი

• ბოსტნეულის ბულიონი - 700 მლ
• წითელი ბულგარული - 500გ
• Zucchi-ს ზეითუნის ზეთი
• ხახვი - 1.5 ხახვი
• ნიორი - 2 კბილი
• Valio-ს კარაქი - 50 გ
• პაპრიკა - 1 ჩ.კ.
• ყველი ოლტერმანი - 2 ნაჭერი
• ჩაბატას პური - 2 ნაჭერი
• Elle & Vire-ის 35 % -იანი ნაღები - 60 მლ
• Zucchi-ს ბალზამიკო - 20 მლ

წამოვადუღოთ ბულიონი და გავაუსფთაოთ ბულგარული. მოვათავსოთ პერგამენტზე, მოვასხათ ცოტა ზეითუნის ზეთი და შევდგათ ღუმელში 230 გრადუსზე გამოსაცხობად, სანამ კარგად არ დაიბრაწება.

დავჭრათ 1 1/5 ხახვი და 2 კბილი ნიორი. მოვთუშოთ 50 გრამ კარაქში და ზეითუნის ზეთში. მოვაყაროთ 1 ჩ.კ. პაპრიკა. როგორც კი ხახვი მოითუშება, დავამატოთ 300 მლ ბულიონი და ვადუღოთ მაღალ ცეცხლზე.

გამოვიღოთ ღუმელიდან ბულგარული წიწაკა, მოვათავსოთ ჭურჭელში, დავაფაროთ თავზე ფოლგა, რომ ჩაიორთქლოს და ადვილად გაძვრეს კანი. გავასუფთაოთ ბულგარული, დავამატოთ ხახვის მასას, დავასხათ კიდევ 300 მლ ბულიონი და წამოვადუღოთ.

მოვამზადოთ მისაყოლებელი. ჩაბატას პურს მოვასხათ ზეითუნის ზეთი, დავადოთ თავზე ოლტერმანის ყველი და გამოვაცხოთ ღუმელში.

დავჭრათ მწვანე ხახვი სერვირებისთვის.

წვნიანი დავაბლენდეროთ. საჭიროებისამებრ გავათხელოთ და გავასწოროთ მარილსა და პაპრიკაზე გემოვნების მიხედვით, დავამატოთ 60 მლ Elle & Vire-ის კულინარიული ნაღები. კიდევ ერთხელ დავაბლენდეროთ, დავამატოთ ბალზამიკო, მოვურიოთ და გადმოვიღოთ თეფშზე.

დეკორაციისთვის მოვასხათ ოდნავ ნაღები, ზეთი, მოვაყაროთ მწვანე ხახვი, მივუწყოთ გვერდით გამომცხვარი პურები და მზად არის მისართმევად.