ვეგანური კვება მთლიანად მცენარეულ პროდუქტებზეა დაფუძნებული. ის გამორიცხავს ცხოველური წარმოშობის საკვებს — ხორცს, თევზს, რძის პროდუქტებს, კვერცხსა და თაფლსაც კი. თუმცა ეს სულაც არ ნიშნავს, რომ ვეგანური რაციონი შეზღუდული ან მოსაწყენია.
არსებობს მოსაზრება, რომ ვეგანური კვება ზედმეტად ერთფეროვანია. თუმცა, თანამედროვე კვლევები და პრაქტიკა აჩვენებს, რომ მცენარეული საკვები სრულფასოვნად ამარაგებს ორგანიზმს ყველა საჭირო ნუტრიენტით და მრავალფეროვნებითაც გამოირჩევა. მთავარია, იცოდეთ რომელი პროდუქტები რა სარგებელს გთავაზობთ.
პარკოსნები — ლობიო, მუხუდო, ოსპი და სოიო — ცილების, ბოჭკოებისა და რკინის მნიშვნელოვანი წყაროა. რაციონში აქტიურად ჩართვა ორგანიზმს კუნთოვან მასას უნარჩუნებს და ენერგიის სტაბილური დონით ავსებს. პარკოსნების მრავალფეროვნება საშუალებას გაძლევთ მოამზადოთ სხვადასხვა ტიპის კერძები, როგორც წვნიანები, ისე გარნირები.
მარცვლეული კულტურები ორგანიზმს ნახშირწყლების, ცილებისა და B ჯგუფის ვიტამინების მიღებაში ეხმარება. მაგალითად, კინოა ყველა აუცილებელ ამინომჟავას შეიცავს, რაც მას ვეგანური კვებისთვის განსაკუთრებულად ღირებულ პროდუქტად აქცევს. შვრია, ჭვავი და ბრინჯი კი ენერგიის სტაბილური დონის შენარჩუნებაში დაგეხმარებათ.
ბოსტნეული და ხილი ორგანიზმს ვიტამინებით, მინერალებითა და ანტიოქსიდანტებით ამარაგებს. სხვადასხვა ფერის ბოსტნეული და ხილი განსხვავებულ ფიტონუტრიენტებს შეიცავს, რომლებიც იმუნიტეტს აუმჯობესებს. მაგალითად, მწვანე ფოთლოვანი ბოსტნეული რკინითა და კალციუმითაა მდიდარი.
თხილეული ცილების, ჯანსაღი ცხიმებისა და მინერალების წყაროა. კაკალი, ნუში და თხილი შეიცავს ომეგა-3 ცხიმოვან მჟავებს, რომლებიც აუცილებელია ტვინის ფუნქციონირებისთვის. ჩია და სელის თესლი კი მდიდარია ბოჭკოებითა და მინერალებით.
სოიოს პროდუქტები, განსაკუთრებით ტოფუ, ცილის მაღალი შემცველობითა და დაბალი კალორიულობით გამოირჩევა, ასევე, მდიდარია კალციუმითა და რკინით.
მცენარეული რძის ალტერნატივები — ნუშის, სოიას, შვრიის და ქოქოსის რძე — ხშირად გამდიდრებულია კალციუმით, D ვიტამინითა და B12-ით.
გამოცდილება ადასტურებს, რომ სწორად დაგეგმილი ვეგანური კვება არა მხოლოდ უსაფრთხოა, არამედ შეიძლება ჯანმრთელობისათვის სასარგებლოც კი იყოს. ის ამცირებს გულ-სისხლძარღვთა დაავადებებისა და დიაბეტის რისკს. მთავარია, დაიცვათ ბალანსი და გაითვალისწინოთ თითოეული საკვები ჯგუფის მნიშვნელობა თქვენს რაციონში.
ვეგანური სამზარეულო ჯანსაღი და გემრიელი კერძებითაა მდიდარი. განვიხილოთ რამდენიმე პრაქტიკული იდეა დღის სხვადასხვა მონაკვეთისათვის.
ვეგანური საუზმე შეიძლება იყოს როგორც მსუბუქი, ისე ნოყიერი. დღის დასაწყებად გრანოლა მცენარეული იოგურტით ერთ-ერთი საუკეთესო არჩევანია. შვრიის ფანტელებს, თხილეულსა და ჩირს შეურიეთ ნებისმიერი მცენარეული სიროფი, გამოაცხვეთ დაბალ ტემპერატურაზე და მიირთვით ვეგანურ იოგურტთთან ერთად.
ჯანსაღი საუზმისათვის, შვრიის ფაფა ნუშის რძითა და კენკრით ან ვეგანური ყველით კარგი ალტერნატივაა — მდიდარია ბოჭკოებითა და ამასთანავე, ენერგეტიკული ღირებულებითაც გამოირჩევა. სმუზი ბოულების მომზადებაც შეგიძლიათ. ეს არის გაყინული და შემდგომ დაბლენდერებული ხილისაგან მომზადებული სქელი სასმელი, რომელსაც დამატებული აქვს გრანოლა, ჩიას თესლი, თხილეული ან ახალი ხილი.
სადილისა და ვახშმისთვის კიდევ უფრო მეტი ვარიანტი არსებობს. სოკოსა და ლობიოსაგან დამზადებული კერძები გემრიელია, თან კარგადაც დაგანაყრებთ. შეგიძლიათ მოამზადოთ პარკოსნებისა და ბოსტნეულის რაგუ და მიირთვათ როგორც გარნირად, ისე დამოუკიდებელ კერძად.
დესერტების მოყვარულებისთვისაც არსებობს ვეგანური ალტერნატივები. ბანანის პური ნიგვზით, ვეგანური ბრაუნი შავი შოკოლადით, ან ავოკადოს ცხიმის ბაზაზე დამზადებული შოკოლადის მუსი, შესანიშნავი ვარიანტებია ტრადიციული ტკბილეულის ჩასანაცვლებლად.
ვეგანური კერძების მომზადებისას მთავარია ინგრედიენტების სწორი კომბინირება და ბალანსი. სხვადასხვა სანელებლისა და მწვანილის გამოყენებით კი შესაძლებელია ახალი, საინტერესო გემოების შექმნა.
ვეგანური კვების მიმდევრებისათვის განსაკუთრებით რთულია ხორცისა და რძის პროდუქტების ჩანაცვლება ისეთი ალტერნატივებით, რომლებიც გემოთი და ტექსტურით მაქსიმალურად ჰგავს მათ საყვარელ პროდუქტებს. საქართველოში ეს გამოწვევა კიდევ უფრო თვალსაჩინოა, რადგან ხარისხიანი ვეგანური ინგრედიენტების მოძიება რთულია.
სწორედ ამიტომ, ,,ევროპროდუქტი" ქართველ მომხმარებელს პრემიუმ ხარისხის ევროპული ბრენდების ,,Vegan Deli"-სა და ,,VEG IN”-ის პროდუქციას გთავაზობთ. ეს არის ორგანული ვეგანური დელიკატესების სერია, რომელიც იმ ადამიანებისთვისაა შექმნილი, რომლებიც ვეგანურ კვებას ირჩევენ, მაგრამ საყვარელი კერძების გემოებზე უარის თქმა არ სურთ.
ვეგანური პროდუქტების ასორტიმენტში შედის როგორც ყველის ალტერნატივები, ასევე სხვადასხვა სახის ხორცპროდუქტები. განსაკუთრებით აღსანიშნავია ვეგანური სალიამი, პარიზული ტიპის ვეგანური ლორი, ბურგერი და ჩორიზო.
,,Vegan Deli" გურმანების ბიო ვეგანური საკვების ფართო არჩევანს სთავაზობს. ბელიგიური კომპანიის ასორტიმენტში შედის უმაღლესი ხარისხის ნატურალური ინგრედიენტებით წარმოებული ვეგანური ყველები, ძეხვეულობა, პაშტეტი, სოსისები და ლორი.
,,Vegan Deli” ბიო, სოიოსგან თავისუფალ და ულაქტოზო პროდუქციას აწარმოებს, რომელიც რეალურ ხორცეულობასთან და ყველთან გემოთი მაქსიმალურად მიახლოებულია. მაგალითად, ჩვენ ტრიუფელის არომატით გამდიდრებული პაშტეტისა და პილპილიანი სალიამი ,,Vegalami Pepper"-ის დაგემოვნებას გირჩევდით.
პორტუგალიური ბრენდი ,,Veg In” კი 100% მცენარეულ პროდუქტებს გთავაზობთ. უგემრიელესი ვეგანური ბურგერის მოსამზადებელად შეგიძლიათ ,,Veg In”-ის ვეგანური წვნიანი და არომატული ხორცი გამოიყენოთ. ეს პროდუქტი გამდიდრებულია ისეთი ინგრედიენტებით, როგორიცაა ბულგარული, ზეთისხილი, მარცვლეულის მიქსი, სოკო, ან ისპანახი.
გარდა ვეგანური ბურგერის ინგრედიენტისა, ,,Veg In”-ის ასორტიმენტი მოიცავს კლასიკურ და ცხარე შესაწვავ ჩორიზოებს, რომლებსაც შებოლილი არომატი აქვს და პროტეინებით მდიდარი კერძების მოსამზადებლადაც იდეალურია.
აღსანიშნავია ისიც, რომ ყველა პროდუქტი მკაცრ ხარისხის კონტროლს გადის. არ შეიცავს ცხოველურ ინგრედიენტებსა თუ ხელოვნურ დანამატებს და არ არის გენმოდიფიცირებული.
ამრიგად, ,,ევროპროდუქტთან, ერთად შეგიძლიათ ვეგანური რაციონი დღითიდღე უფრო მრავალფეროვანი გახადოთ. ესტუმრეთ უახლოეს ფილიალს ან შეავსეთ პროდუქტების მარაგი ონლაინ, ჩვენი ვებგვერდის დახმარებით.
