ხორციანი კრეპები (ბლინები)

ცომი

• 50 გრ ლურპაკის კარაქი
• 2 კვერცხი
• სტერილგარდას 3% რძე 180 მლ
• 120 მლ წყალი
• მარილი ნახევარი ჩაის კოვზი
• 1 ჩაის კოვზი შაქარი

გაადნეთ 50 გრამი ლურპაკის კარაქი ტაფაზე. დააბლენდერეთ ინგრედიენტები ერთად და შემდეგ დაამატეთ 125 გრ ფქვილი. ცომი უნდა იყოს ნაღების  კონსისტენციის, თხევადი.

კარგად წაუსვით კარაქი ტაფის ზედაპირს, რომ  დაიფაროს სასიამოვნოდ. იღებთ კოვზს და თხელ ფენას ასხავთ ტაფაზე. როგორც კი მოთავისუფლდება გვერდებიდან და დაიწყებს კრეპი ტაფაზე სრიალს, გადმოატრიალეთ.

გულსართი

• ხორცი
• დაფნის ფოთოლი
• სტაფილო
• დიდი ხახვი
• სამი პატარა კბილი ნიორი
• პილპილის მარცვალი
• 50 მლ სოიოს სოუსი

მდუღარე წყალში ჩაყრით ხორცის ნაჭრებს. პატარა საიდუმლო, ხორცს ხარშვის დროს  დაუმატეთ  50 გრ კანგაცლილი ბეკონი, რომ მისცეს მეტი ცხიმოვნობა და შებოლილის არომატი.  40 წუთი ხარშავთ და შემდეგ ატარებთ ხორცის მანქანაში, რომ მიიღოთ ფარში. ფარშს დაუმატეთ  1 სუფრის კოვზი ხამანცკის სოუსი, რომელიც კიდევ უფრო გაამდიდრებს ხორცის გემოს. მარილი და პილპილი გემოვნებით. სურვილის შემთხვევაში, შეგიძლიათ  დაუმატოთ დაჭრილი მოხარშული კვერცხი.

სოუსი

• ლურპაკის კარაქი
• მოხარშული ხორცის 4 კოვზი წვენი
• სიმინდის 1 ჩაის კოვზი სახამებელი
• პილპილი
• მარილი
• სახამებელი

ინგრედიენტებით მიღებული  მასა დაადგით ცეცხლზე, დაელოდეთ გასქელებას და შემდეგ გააგრილეთ, რომ გააფორმოთ ბლინები.

შევწვათ ბლინები

მეოთხედ ბლინზე დაალაგეთ გულსართს გადაკეცავთ ოთხ ფენად.

საშუალოდ დაბალ ცეცხლზე დაადგით ტაფა და გაადნეთ ლურპაკის კარაქი. მოათავსეთ ტაფაზე გადაკეცილი ბლინის  სქელი ფენა და ორივე მხარე შეწვით კარგად.

ბოლო შტრიხი, მოასხით სოუსი და ვალიოს თურქული იოგურტი, მიირთვით გემრიელად.