ფარშირებული ბულგარული

ინგრედიენტები:

• საქონლის და ღორის ფარში
• ხახვი
• ნიორი
• დაღერღილი წიწაკა
• ქინძი
• ოხრახუში
• პომიდვრის სოუსი
• ბულგარული წიწაკა
• ქონდარი
• ქინძის სუნელი
• უცხო სუნელი
• ყველი

ფარშირებული ბულგარულის მომზადების წესი

ხორცის მანქანაში გამოვატაროთ  ერთი ცალი ხახვი, 3 კბილი ნიორი, ცოტაოდენი მწვანილები, დაღერღილი წიწაკა და ორივე სახის ფარში და კარგად.  გადავურიოთ ერთმანეთში. დავუმატოთ სუნელები გემოვნებით.  ფარშის შიგთავსი მზადაა.

გადავიდეთ ბულგარულების მომზადებაზე. წიწაკა გავჭრათ შუაზე და ამოვუღოთ გული  და გამოვტენოთ შიგთავსით და  შევდგათ ღუმელში 180 გრადუსზე 40 წუთით.

დაახლოებით 5 წუთით ადრე  ფარშით გამოტენილ წიწაკებს ზემოდან დავადოთ ყველის ფირფიტები და 5 წუთში კერძი მზადაა.

ამასობაში მოვამზადოთ სოუსი. დავჭრათ ოხრახუში, ხახვი, ნიორი და სტაფილო  წვრილად. მოვთუშოთ კარაქთან და ზეთთან ერთად.  შემდეგ დავუმატოთ პომიდვრის სოუსი და ცოტაოდენი მარილი.  ბოლოს კი სუნელები გემოვნებით. სტაფილოს დარბილების შემდეგ სოუსი დავაბლენდეროთ. დავაბრუნოთ გაზქურაზე და ერთხელ კიდევ წამოვადუღოთ.

კერძი მზადაა.