სიბასი ჩიმიჩურის სოუსით
შერეული სამზარეულო
20 წუთი
289 კალორია
ალბათ უკვე ყველას გსმენიათ თევზი სიბასის შესახებ, დღეს კი ჩვენ გაგიზიარებთ როგორ მზადდება სიბასი ჩინჩურის სოუსით.
დაგვჭირდება:
- წითელი ხახვი
- ლიმნის წვენი
- კუსკუსი
- ბაღჩოი
- მწვანე წიწაკა
- ნიორი
- პომიდორი
- ძმარი
- მწვანილები : ქინძი ოხრახუში და მიკრო მწვანილები
როგორ მოვამზადოთ სიბასი?
დავიწყოთ თევზის დამუშავებით. თევზი დავსეროთ, იმიტომ რომ უნდა გამოცხვეს მთლიანად. მოვაყაროთ მარილი. დასერილ ნაწილში ჩავაწყოთ ლიმნის მედალიონები. მოვაყაროთ პილპილი. დავუმატოთ ერთი კბილი ნიორი და გამოვტენოთ ჩერი პომიდვრით. მოვათავსოთ პერგამენტზე, გადავახვიოთ და გავუშვათ ღუმელში 15 წუთით 230 გრადუსზე.
ქინძი,ოხრახუში წვრილად დავჭრათ. ორი კბილი დანაყული ნიორი,1 ცალი მწვანე წიწაკა წვრილად დაჭრილი, წითელი ხახვი 1 ცალი, რამოდენიმე ცალი პომიდორი ჩერი. ყველა ინგრედიენტი ერთად მოვათავსოთ ჯამში და გადავურიოთ და დავუმატოთ ძმარი და მარილი გემოვნებით.
კუსკუსი ჩავყაროთ ქვაბში , დავუმატოთ კარაქი, მარილი და დავასხათ ადუღებული წყალი. და დაველოდოთ 5 წუთი, ტაფა გავაცხელოთ ზეთთან და კარაქთან ერთად. მოვთუშოთ ხახვი და ნიორი. დავუმატოთ ჩერი პომიდორი. და მოვთუშოთ ბაღჩოი. ბოლოს შეგვიძლია გავაფორმოთ მიკრომწვანილებით.