პასტა კრევეტებით , ტარხუნისა და პიტნის პესტოთი
შერეული სამზარეულო
40 წუთი
312 კალორია
ინგრედიენტები:
- პასტა
- ჯამბო კრევეტები
- ბეკონი
- ნაღები
- პარმეზანი
- თეთრი მშრალი ღვინო
- ტარხუნა
- პიტნა
- ნიორი
- ჯინჯერი
- დაღერღილი წითელი წიწაკა
- მარილი
მომზადების წესი:
პირველ რიგში ვიწყებთ ტარხუნისა და პიტნის პესტოს მომზადებას. მწვანილი ღეროებისგან გაათავისუფლეთ, დააბლენდერეთ 4 კბილ ნიორთან, ჯინჯერთან, ნახევარი ლიმნის წვენთან, ზეითუნის ზეთთან და ცოტა მარილთან ერთად.
კუბებად დაჭერით ბეკონი და ტაფაზე კარგად დაბრაწეთ, დაამატეთ დაჭყლეტილი ნიორი ცოტა ხანს მოშუშეთ და ტაფაშივე ჩაამატეთ ჯამბო კრევეტები. ცოტა ხნის შემდეგ დაამატეთ თეთრი ღვინო და შუშეთ კიდევ 10 წუთი. ტაფაში დაამატეთ ნაღები და პესტოს სოუსი, მოაყარეთ დაღერღილი წითელი წიწაკა.
მოხარშეთ პასტა მითითებული დროის განმავლობაში, გადაწურეთ წყალი და მოხარშული მაკარონი ჩაამატეთ სოუსიან და კრევეტებიან ტაფაში.
სერვირებისას თეფშზე მოაყარეთ პარმეზანის სოუსი. გემრიელად მიირთვით!