ნორვეგიული ორაგული ნაღებში გამომცხვარი

ნაღებში გამომცხვარი ორაგულის ინგრედიენტებია:

• ორაგული 500 გრ
• კარტოფილი 500 გრ
• ყველი გაუდა 200 გრ
• ნაღები 500 მლ
• კვერცხი 4ც
• თევზის საკმაზი
• ოხრახუში/ კამა
• მარილი (გემოვნებით)
• შავი პილპილი (გემოვნებით)

მომზადების წესი:
წინასწარ ვამარინადებთ ორაგულის ნაჭრებს მარილსა და თევზის საკმაზში, შემდეგ ვახვევთ ფოლგაში  და ვდგამთ ღუმელში 200 გრადუსზე 15 წუთი.ამასობაში ვთლით კარტოფილს, ვხარშავთ და მოხარშულ კარტოფილს ვჭრით მრგვალ ნაჭრებად. ნაღებსა და კვერცხს ვთქვეფთ ერთად, ვამატებთ მარილს, შავ პილპილს და დაჭრილ მწვანილებს. შეგვიძლია ავაწყოთ: საცხობ ფორმაში ჩავაწყოთ კარტოფილის ნაჭრები მოვაყაროთ მარილი და შავი პილპილი, მოვაყაროთ კუბებად დაჭრილი გაუდას ყველი, მოვაყაროთ გამომცხვარი ორაგულის ნაჭრები და მოვასხათ ნაღებისა და ყველის მასა, გამოვაცხოთ ღუმელში 220 გრადუსზე 20-25 წუთი. სანამ კერძი ცხვება, შეგვიძლია მოვამზადოთ ბროკოლი. გავასუფთავოთ ბროკოლი, დავანაწევროთ და ჩავყაროთ ადუღებულ მარილიან წყალში, გავაჩეროთ მასში 2-4 წუთი და ამოვიღოთ. ბროკოლი მზადაა.