სოკოს ჩაშუშული

ინგრედიენტები:

• 6-7 ცალი შიიტაკეს სოკო,
• 0.5 კგ ხის სოკო
• 1 წითელი ხახვი,
• 2 კბილი ნიორი
• 1 ს/კ მეგრული აჯიკა
• სუნელები: ქინძი, უცხო სუნელი
• მწვანილი: ქინძი, ოხრახუში, მწვანე ხახვი
• Mazzetti -ს ძმარი,
• Zucchi- ს ბიოლოგიურად სუფთა სიმინდის ზეთი
• Pommi-ს კანგაცლილი პომიდორი

დავჭრათ ხახვი და რამდენიმე შიიტაკეს სოკო. ჩავასხათ ქვაბში ზეთი, გავაცხელოთ დაბალ ცეცხლზე და მოვთუშოთ ერთად სოკო, ხახვი და ნიორი.

დარჩენილი შიიტაკე მსხვილად დავჭრათ. დავშალოთ მთელ ფოთლებად ხის სოკო და დავბრაწოთ ორივე მხრიდან, მაღალ ცეცხლზე. იმავე ტაფაზე დავბრაწოთ შიიტაკე.

სოკოს ჩაშუშულ მასას დავამატოთ ცოტა წყალი, რომ არ მიიწვას და გააგრძელოს თუშვა. ყოველი დაშრობისას გავიმეოროთ ეს პროცესი 3-4-ჯერ.

დავამტოთ აჯიკა, ქინძი, უცხო სუნელი, ცოტა მარილი და ამოვურიოთ. დავასხათ 1 ს/კ Mazzetti-ის შავი ბალზამიკოს ძმარი, 0.5 ქილა Pomi-ს კანგაცლილი პომიდორი და მოვასხათ ცოტა წყალი. დავამატოთ დაბრაწული სოკოები და წამოვადუღოთ.

დავჭრათ მწვანილი. ნაწილი ქვაბში დავამატოთ და ნაწილი სერვირებისას.