კარაქი მწვანილებით

კარგი კარაქი ნებისმიერი კერძისა თუ საკონდიტრო ნაწარმის უმნიშვნელოვანესი შემადგენელი ნაწილია და მათ გემოს განსაზღვრავს. თქვენ თავად შეგიძლიათ შეაზავოთ ის და ახალი, საინტერესო გემოს მქონე კარაქი შექმნათ. დღეისთვის კი კარაქს წარმოგიდგენთ მწვანილებთან ერთად, იგი შეგიძლიათ პურზეც გადაუსვათ და სხვადასხვა კერძშიც გამოიყენოთ, მაგალითად, სტეიკის მომზადებისას.

• კარაქი - 100 გ
• კამა - 1 კონა
• ნიორი - 1 კბილი
• ლიმონის წვენი - 6 წვეთი
• მარილი - გემოვნებით

გარეცხეთ მწვანილი და გააშრეთ, მოაცალეთ კამას, მხოლოდ ფოთლები, ღერები არ გამოიყენოთ.
დაარბილეთ კარაქი ოთახის ტემპერატურაზე, დაუმატეთ დაჭყლეტილი ნიორი და წვრილად დაჭრილი კამის ფოთლები, მარილი გემოვნებით, რამდენიმე წვეთი ლიმონის წვენი - ყველაფერი კარგად აურიეთ.
გადაიტანეთ მასა სუშის გადასახევს ფირფიტაზე "მაკისაზე", რომელზეც საკვების შესაფუთი ცელოფანი იქნება დაფენილი.
მიეცით კარაქს ძეხვის ფორმა, გადაახვიეთ და შედეთ მაცივარში გასაცივებლად.
გემრიელად მიირთვით!