კალმახი მჭადში

 ინგრედიენტები:

• კალმახი
• ქინძი
• ლიმონი
• ნიორი
• კარაქი
• მწვანე აჯიკა
• მჭადის ფქვილი
• ხორბლის ფქვილი
• სვანური მარილი
• მაწონი
• დაფქვილი დარიჩინი

მომზადების წესი: დავიწყოთ სიმინდის ფქვილის მოზელვით. (რომ არ დაგვისკდეს გამოცხობისას, 1 კილოზე დავამატოთ 200 გრამი ხორბლის ფქვილი. დავუმატოთ წყალი და დავიწყოთ მოზელვა). შემდეგ, ჩოპერში დავაბლენდეროთ ქინძი, ორი კბილი ნიორი, მწვანე აჯიკა, ნახევარი ლიმნის წვენი, ცოტაოდენი კარაქი(კუბიკებად დაჭრილი) და ერთი დიდი მწიკვი სვანური მარილი.

ამის შემდეგ, კალმახი გამოვტენოთ გულსართით და ასევე, ზემოდანაც გადავუსვათ. მოზელილ მჭადის ცომს მივცეთ ფორმა, გულსართით გატენილი კალმახი მოვათავსოთ შიგნით და შევდოთ ღუმელში, 230 გრადუსზე 30 წუთით.

სოუსი: დაგჭირდებათ: მაწონი, დაფქვილი დარიჩინი, მწვანე აჯიკა და სვანური მარილი. აურიეთ ეს ყველაფერი ერთმანეთში და სოუსიც მზადაა. შეგვიძლია სერვირებაზე გადავიდეთ.