თინუსის კატლეტები

ინგრედიენტები:

• თინუსი ზეითუნის ზეთში - 2 ქილა
• შებოლილი თინუსი - 2 ქილა
• ოხრახუში
• მწვანე ხახვი
• 2 კოვზი დიჟონის მდოგვი
• 2 კბილი ნიორი
• 40 გრამი პურის გული
• 2 კვერცხი
• მარილი
• 1 ლიმონი
• 1 ცალი ხალაპენიოს წიწაკა
• 1-2 წვეთი ცხარე სოუსი
• 50 გრამი კარაქი.

გადავუწუროთ თინუსს წვენი და გადავდოთ გვერდით, შემდეგ სოუსში გამოსაყენებლად.

დავჭრათ მწვანილი, დავამატოთ 1 კოვზი დიჟონის მდოგვი, 1 კბილი ნიორი, პურის გული,  თინუსი, 2 კვერცხი, მარილი, 10-12 გრამი ლიმონის წვენი, დაჭრილი ხალაპენიო და ცხარე სოუსი. კარგად ავურიოთ და ვაქციოთ ბურთებად.

ტაფაზე დავადნოთ კარაქი და შევწვათ კატლეტები. ასევე შეგიძლიათ გამოიყენოთ ზეითუნის ან სხვა მცენარეული ზეთი.

მოვამზადოთ სოუსი. თინუსის გადაწურულ წვენს, დავამატოთ 1 კბილი ნიორი, 1 კოვზი დიჟონის მდოგვი, ლიმონის წვენი, მარილი და ავთქვიფოთ.

კატლეტები ამოვიღოთ და დავასერვიროთ დრესინგთან ერთად.