პომიდვრის და მოცარელას გალეტი

პომიდვრისა და მოცარელას გალეტი საოჯახო კერძია, რომელიც ძალიან მარტივად მზადდება.

ცომისთვის საჭირო ინგრედიენტები:

• 2 ჭიქა ფქვილი
• 1 ჩ/კ მარილი
• 1 ჩ/კ რეჰანის სუნელი
• 1/2 ჩ/კ ორეგანოს სუნელი
• 1 კვერცხი
• 1/2 ჩ/კ ძმარი
• 1/4 ჭიქა ცივი წყალი
• 180 გრ ცივი კარაქი
  
  

შიგთავსისთვის საჭიროა შემდეგი ინგრედიენტები:

• 2 დიდი პიმიდორი
• ბაზილიკის პასტა
• მოცარელა

 
მომზადების წესი:

მაღალი სიჩქარის ბლენდერში მოათავსეთ ფქვილი, სუნელები და მარილი და კარგად შეურიეთ ერთმანეთს. დაამატეთ ცივი კარაქი და კარგად დააბლენდერეთ. ცალკე ჯამში კვერცხი და ძმარი გათქვიფეთ და მოათავსეთ ფქვილიან და კვერცხიან მასაში და კვლავ დააბლენდერეთ. თუკი არ შეიკრა ცომი ბოლომდე, დამატეთ ყინულივით ცივი წყალი. გადაიტანეთ ცომი სამზარეულოს ზედაპირზე, მოზილეთ და ცელოფანში გაახვიეთ. შეინახეთ მაცივარში მინიმუმ ნახევარი საათი.

გააბრტყელეთ ცომი, გადაუსვუთ ბაზილიკის პასტა, (ცომის კანტი ოღონდ ცარიელი დატოვეთ) დაჭერით მოცარელა და გაანაწილეთ ცომის ზედაპირზე. დაჭერით ასევე პომიდორი თხელ და ბრტყელ ნაჭრებად, შეამშრალეთ ორივე მხარეს სამზარეულოს ცელსახოცით და ისიც მოათავსეთ მოცარელაზე. გალეტს ცომის კანტები ამოუკეცეთ. ამასობაში კვერცხი გატეხეთ, მოათავსეთ ჯამში და დაუმატეთ ოცნავ წყალი, გათქვიფეთ და გადაუსვით ფუნჯით მოკეცილი ცომის ნაწილს. 200 გრადუსზე გახურებულ ღუმელში გამოაცხვეთ 30-40 წუთი.