იტალიური პასკა პანეტონე

ეს არის იტალიური სააღდგომო პასკის, პანეტონეს, მომზადების დეტალური რეცეპტი. ფუმფულა, არომატული ნამცხვარი ციტრუსის ცედრითა და ქიშმიშით თქვენი სააღდგომო სუფრას გამორჩეულს გახდის.

ინგრედიენტები

ცომისთვის:

• 100 მლ თბილი წყალი (დაახლოებით 40°C)
• 50 გრ ახალი საფუარი (ან შესაბამისი რაოდენობის მშრალი საფუარი, იხილეთ შეფუთვაზე)
• 60 გრ შაქარი (+ 1 ჩ/კ საფუარის გასააქტიურებლად)
• 3 საშუალო ზომის კვერცხი (ოთახის ტემპერატურის)
• 1 პაკეტი ვანილინი ან 1 ჩ/კ ვანილის ექსტრაქტი
• 1 ცალი ლიმონის წვრილად გახეხილი ცედრა
• ½ ჩ/კ მარილი
• 160 გრ კარაქი, დარბილებული
• 275 – 325 გრ პურის ფქვილი (მაღალი ცილის შემცველობით)

შიგთავსისთვის:

• 70 გრ დაშაქრული ფორთოხლის ცედრა, წვრილად დაჭრილი
• 70 გრ ქიშმიში (სურვილისამებრ, წინასწარ დაალბეთ)

მოსართავად:

• 1 კვერცხის გული (ზემოდან წასასმელად)
• ნუშის ფანტელები

მომზადების წესი

ერთმანეთში აურიეთ თბილი წყალი, საფუარი და 1 კოვზი შაქარი. გააჩერეთ მანამ, სანამ არ ამოქაფდება - დაახლოებით 15 წუთის განმავლობაში.

სხვა თასში ათქვიფეთ კვერცხი, ვანილი, ლიმონის ცედრა, მარილი და დარჩენილი შაქარი მანამ, სანამ მიღებული მასა არ გახდება მსუბუქი და სქელი. დაამატეთ საფუარის ნარევი.

გააცხელეთ კარაქი, სანამ არ დაიწყებს დნობას.

კვერცხის ნარევს ნელ-ნელა დაუმატეთ ფქვილი (180 გრამი), შემდეგ დაამატეთ გამდნარი კარაქი. შეურიეთ დარჩენილი ფქვილი მიქსში. (გაითვალისწინეთ, რომ შეიძლება მთელი ფქვილი არ დაგჭირდეთ. ცომი არ უნდა იყოს ძალიან წებოვანი და მშრალი.)

ათქვიფეთ ცომი 10 წუთის განმავლობაში, სანამ მიღებული მასა არ იქნება რბილი.

ცომი ჩადეთ ცხიმწასმულ თასში. შემდეგ თასს დააფარეთ სუფთა სუფრა და გააჩერეთ თბილ ადგილას ერთი საათის განმავლობაში.

ცომი ხელახლა ათქვიფეთ, მოათავსეთ სასურველ ფორმაში, მოაყარეთ ცედრა და ქიშმიში და დაახურეთ სუფთა სუფრა. გააჩერეთ თბილ ადგილას კიდევ 30 წუთის განმავლობაში.

ღუმელი დააყენეთ 180 გრადუსზე.

ფორმაში მოთავსებულ ცომს ფრთხილად წაუსვით ზედაპირზე კვერცხის გული და მოაყარეთ ზემოდან ნუშის ფანტელები.

გააჩერეთ ღუმელში 35 წუთის განმავლობაში.

გამორთეთ ღუმელი და აცადეთ, სამან გაცივდება.