შოკოლადის ტორტი

ინგრედიენტები:

• Cachet-ს 4.5 შოკოლადის ფილა
• 375 მლ Arla -ს 36 % ნაღები
• 2 ჭიქა ფქვილი
• 2 ჩაის კოვზი სოდა
• 1 ჩაის კოვზი გამაფხვიერებელი
• ¾ მარილი
• 215 გ უმარილო Lurpak-ის კარაქი
• 245 გ არაჟანი
• 65 გ ზეთი
• 2 ჭიქა თეთრი შაქარი
• 2 სუფრის კოვზი Naturalis-ის ყავისფერი შაქარი
• ¾ ჭიქა კაკაო
• 2 ჩაის კოვზი ვანილის ექსტრაქტი
• სიმინდის სიროფი 3 1/2 კოვზი
• 3 კვერცხი + 1 კვერცხის გული

ბისკვიტი

გავცრათ კაკაო და ფქვილი. დავამატოთ 2 ჩ.კ სოდა, 1 ჩ.კ გამაფხვიერებელი და ავურიოთ ერთმანეთში.

115 გრამი კარაქი კარგად ავზილოთ და დავამატოთ შაქარი. უნდა მივიღოთ კრემისებრი მასა.

ეტაპობრივად დავამატოთ 3 მთლიანი კვერცხი და ერთი კვერცხის გული. კიდევ კარგად ავურიოთ, სანამ ფუმფულა გოგლი-მოგლის მასას არ მივიღებთ. აქვე დავამატოთ 1 ჩ.კ ვანილის ექსტრაქტი.

65 გ მზესუმზირის ზეთი შევურიოთ 245 გ არაჟანს და კარგად ავურიოთ.

ამის შემდეგ კვერცხიან მასას, მორიგეობით შევურიოთ მესამედ წილებად დაყოფილი არაჟნიანი მასა და ორად გაყოფილი კაკაოიანი ფქვილი, რომელიც თავდაპირველად მოვამზადეთ და კარგად ვურევთ. ვამატებთ 250 მლ ცხელ ყავას, ვურევთ კარგად და ვაჩერებთ.

ჩავაფინოთ საცხობ ფორმაში პერგამენტი, მოვუსვათ ზეთი და გადავანაწილოთ ფორმებში ბისკვიტი. გამოვაცხოთ 175-180 გრადუსზე, კონვექციის გარეშე,  35-40 წუთი.

კრემი

375 მლ ნაღებს დავუმატოთ 3 1/2 სუფრის კოვზი სიმინდის სიროფი და წამოვადუღოთ.

შავი შოკოლადის 4.5 ფილა კარგად დავკეპოთ, დავასხათ ნაღების მდუღარე მასა და გავაჩეროთ 2 წუთი, მოვაყაროთ ცოტა მარილი, მოვასხათ ვანილის ექსტრაქტი და მოვურიოთ. ამ მასას შევადღვიბოთ ნელ-ნელა 100 გრამი კარაქი.

გავაციოთ ბისკვიტი და კრემი და ავაწყოთ ტორტი. 

გავჭრათ ორივე ბისკვიტი შუაზე. მსუბუქად დავნამოთ კონიაკით. კრემს ცოტა მოვურიოთ და წავუსვათ.

ტორტს ზემოდან მოვაყაროთ ბისკვიტის მოჭრილი გვერდებისგან მიღებული ქრამბლი. გვერდებზე კი გახეხილი შოკოლადი.