ქათმის ნაგეთსები

ქათმის ნაგეთსები

პონვეირის პირველი ეტაპი - ფქვილი სუნელებით

ნებისმიერი ფქვილი - 150-200გ

პაპრიკა - 1 სუფრის კოვზი

მდოგვის ფხვნილი - ½ სუფრის კოვზი

ნივრის ფხვნილი - ⅔ სუფრის კოვზი

დარიჩინის ფხვნილი - ¼ სუფრის კოვზი

ჯანჯაფილის ფხვნილი - ¼ სუფრის კოვზი

შავი პილპილი - ⅓ სუფრის კოვზი

მარილი - ⅓ სუფრის კოვზი

შაქარი - ¼ სუფრის კოვზი

ქათმის მარინადი

ქათმის ფილე - 600 - 700გ

მარილი - 1.5 ჩაის კოვზი

პილპილი - 1 ჩაის კოვზი

ლიმონის წვენი - 1.5 სუფრის კოვზი

ცხარე სოუსი - რამდენიც შენს გულსა და სულს გაუხარდება

პონვეირის მეორე ეტაპი - კვერცხის 

კვერცხი 0-კატეგორისს - 4 ცალი

არაჟანი 20%იანი - 1 სუფრის კოვზი

მარილი - 1 ლაითი ჩაის კოვზი

საბოლოო ეტაპები - ფქვილი პანკო ზეთი

ფქვილი - 150გ

მარილი - ½ ჩაის კოვზი

პანკო - 200გ

ზეთი მზესუმზრირის - 1 ლიტრი (თირკმელი არ გაყიდოთ)

სოუსი

არაჟანი 20% - 350გ

კამა - 17გ

ქინძი - 17გ

მწვანე ხახვი - 18გ

მარცვლოვანი მდოგვი - 8-10გ

შაქარი - ⅓ ჩაის კოვზი

მარილი - ½

ლიმნის წვენი - 1 სუფრის კოვზი

პირველი ეტაპის ფქვილის კომპონენტები, ანუ - ფქვილი მარილი, შაქარი და სუნელები ერთმანეთს შეურიეთ. ეს იქნება ჩვენი პირველი სავლები.

შემდეგ, მომყევით გმირებო!

მეორე ეტაპად კვერცხს შევურიოთ არაჟანი და მარილი, კარგად გავაერთგვაროვნოთ. ეს იქნება ამოვლების მეოერე ეტაპი, დარჩით, ცოტაღა დაგვრჩა.

მესამე ეტაპად გვაქვს ფქვილი, რომელსაც დავამატებთ მარილს, ან უბრალოდ პანკოს.

პარალელურად დავამარინადოთ ნაგეთსის ფორმაზე დაჭრილი ქათამი, დავუმატოთ მარინადის ინგრედიენტები და გავაჩეროთ 20-30 წუთი. პატარა  რჩევა - თუ მარინადი სველი იქნება, მარილი არ გამოაშრობს ქათამს.

ქათმის დამარინადებულ ნაჭრებს ჯერ ამოვავლებთ სუნელებიან ფქვილში, შემდეგ, კვერცხში და ბოლოს, ან პანკოში, ან მარილიან ფქვილში. ვწვავთ 170 გრადუსზე ცხელი ზეთის აბაზანაში 3.5 - 4 წუთით ან მანამ, სანამ არ გაოქროსფრდება. ესეც ასე.. ეტაპები ჩავხურეთ.

რაც შეეხება სოუსს:  მწვანილები დაჭერით წვრილად, ერთმანეთში შეურიეთ. პარალელურად არაჟანს დაამატეთ მდოგვი, შაქარი, მარილი და ლიმნის წვენი. შემდეგ შეურიეთ მწვანილი, და დააყოვნეთ მაცივარში 30 წუთი რომ გემოები გაუჯდეს.