სკუმბრია ბრინჯით

სკუმბრია გავჭრათ შუაზე ხერხემლის მიმართულებით. მოვაჭრათ ფარფლები და გავუკეთოთ ჭრები.

გავრეცხოთ ბრინჯი იქამდე, სანამ გამჭვირვალე წყალი არ გაუვა. დავასხათ 1.7 წილით მეტი წყალი. დავამატოთ მარილი. წამოვადუღოთ მაღალ ცეცხლზე, შემდეგ დავუწიოთ ალს და 10 წუთი გავაჩეროთ.

მაღალ ჯამში ჩავასხათ 300 მლ სოიოს სოუსი და 150 მლ თეთრი ღვინო. დავჭრათ მედალიონებად ნიორი, ჯინჯერი და მოვათავსოთ სოიოსა და ღვინის მასაში. მწვანე ხახვს მოვაჭრათ თავები და გადავიტანოთ სოუსში. დავამატოთ 110 გ შაქარი და შევდგათ ცეცხლზე, წამოვადუღოთ და ვხარშოთ.

ბრინჯი გადმოვდგათ ცეცხლიდან, შევურიოთ წვრილად დაჭრილი მწვანე ხახვი, ერთი კბილი ნიორი და ამოვურიოთ.

ტაფა დავდგათ დაბალ ცეცხლზე. მოვასხათ Zucchi-ს მცენარეული ზეითუნის ზეთი. სკუმბრიას კანის მხრიდან მოვაყაროთ მარილი. შევამშრალოთ ხელსახოცით და მოვათავსოთ ტაფაზე კანის მხრიდან. ზედა მხარე დავნამოთ სოუსით. რომ შეიწვება, ბოლოსკენ მოვუსვათ ბევრი სოუსი და გადმოვატრიალოთ.

გადმოვიღოთ ბრინჯი თეფშზე, მოვუდგათ სოუსი და მოვუწყოთ შემწვარი თევზი.

გემრიელად მიირთვით.