პროფიტროლი

ცომის მოსამზადებლად დაგჭირდებათ:

✔️ 100 მლ წყალი

✔️ 1 ს/კ შაქარი

✔️ 50 გრ კარაქი

✔️ 50 გრ ფქვილი

✔️ 2 კვერცხი

წყალს შაქარს და კარაქს დგამთ ქურაზე, როგორც კი წამოდუღდება ამატებთ ფქვილს და ურევთ ერთიანი მასის მიღებამდე, შემდეგ აგრილებთ და სათითაოდ ამატებთ კვერცხს, კვლავ ურევთ სანამ არ მიიღებთ ჰაეროვან ნაზ ცომს. ცომი გადაგაქვთ ტომარაში და სვამთ სასურველი ფორმებს საცხობ სინზე. აცხობთ 200 გრადუსზე წინასწარგახურებულ ღუმელში 20-25 წუთი ( ცხობა არეგულირეთ თქვენი ღუმელის შესაბამისად)

ცხობის დროის ამოწურვის შემდეგ, არ გამოაღოთ ღუმელი, დააყოვნეთ გამომცხვარი პროფიტროლი  კიდევ 5 წუთი და შემდეგ განოიღეთ.

კრემის მოსამზადებლად დაგჭირდებათ:

✔️ 250 მლ რძე გრანაროლო

✔️ 2 კვერცხის გული

✔️ 75 გრამი შაქარი

✔️ 40 გრამი სიმინდის სახამებელი

✔️ ვანილი

✔️ 50 გრამი კარაქი

რძე შეათბეთ, ცალკე მოამზადეთ კვერცხის გულისა და შაქრის გოგლიმოგლი, დაუმატეთ სახამებელი და ჩაუშვით თბილ რძეში. ურიეთ გამუდმებით მანამ სანამ არ შესქელდება. შესქელებულს დაუმატეთ 50 გრამი კარაქი. კარგად გააერთიანეთ მასა და განაგრძეთ შუშვა 2 წუთის განმავლობაში. მოხარშული კრემი მზად არის. გათქვიფეთ 50 გრამი ოთახის ტემპერატურის კარაქი გათეთრებამდე, მუნ 5 წუთი თქვიფეთ გადაურიეთ მოხარშული კრემი და შეგიძლიათ დაიწყოთ პროფიტროლის აწყობა.

შოკოლადის განაშისთვის დაგჭირდებათ:

100 გრამი შავი შოკოლადი

200 მლ ნაღები

თასზე დაამტვრიეთ შავი შოკოლადი, დაასხით ნაღები და დადგით ორთქლის აბაზანაზე შოკოლადის სრულ გადნობამდე. კარგად აურიეთ და მოასხით პროფიტროლს.