ბრაუნი და ფონდანტი

ბრაუნის მოსამზადებლად, დაგჭირდებათ:

• 200 გრამი კარაქი

• 200 გრამი რძიანი შოკოლადი

ამ ინგრედიენტებით მოვამზადოთ შოკოლადის განაში.

მაშ ასე, რკინის ყალიბს წავუსვათ კარაქი და ცოტახნით გავყინოთ...  რამდენიმე წუთის შემდეგ  გადავუსვათ მეორე პირი კარაქი და მოვაყაროთ ერთი ფენა კაკაო.

შემდეგ ეტაპზე დაგჭირდებათ:

• 200 გრამი შაქარი

• 4 კვერცხი

• 4 ცალი კვერცხის გული 

ამ ყველაფერს ვამიქსერებთ იქამდე, სანამ მასა ერთგვაროვანი არ გახდება. 

მიღებულ მასას დავამატოთ 200 გრამი ფქვილი და მიქსერით ამოვურიოთ. 

ნელნელა ვიწყებთ  შოკოლადის განაშის დამატებას მიქსერთან ერთად.

ბოლოს კი, დავამატოთ 40 გრამი კაკაო .

შემდეგ ვიღებთ ყალიბს, ვუკრავთ ძირს ფოლგით და 2/3 მასას ვავსებთ მიღებული მასით.

ცოტახნით გავაციოთ მაცივარში და შემდეგ გამოვაცხოთ ღუმელში 10-12 წუთით  , 230 გრადუსზე.

ახლა კი, სერვირებაზე შეგიძლიათ გადახვიდეთ და გაგვიზიარეთ თქვენ ნახელავი!