ზეთი კულინარიაში ერთ-ერთი ყველაზე გამოყენებადი პროდუქტია, მაგრამ ვიცით, რომ სამზარეულოს გარდა, ბევრ სხვა სფეროშიც პოპულარობით სარგებლობს.
გასტრონომიაში მოხმარებული ზეთების არაერთი ტიპი არსებობს. ზოგიერთი მათგანი ჯანმრთელობაზე დადებითი გავლენით განსაკუთრებით დაიკვეხნის, ერთ-ერთი ასეთია - ექსტრა ვირჯინი ზეითუნის ზეთი.
ამ მცენარეული ცხიმის სპეციფიკური არომატი ხშირად გადამწყვეტი ფაქტორია და მთლიანად ცვლის კერძის მნიშვნელობას. მაგალითად, ქოქოსის ზეთი და ზღვის პროდუქტები იდეალურ ტანდემს ქმნიან და ხშირად ზუსტად ეს ტიპი გამოიყენება ზღვის ნაწარმისთვის.
ევროპროდუქტში ადგილობრივ წარმოებასთან ერთად ევროპაში სასურსათო ბაზარზე მოწინავე ბრენდების უმაღლესი ხარისხის პროდუქტი დაგხვდებათ. იტალიური ბრენდი Zucchi, სპეციალურ ლაბორატორიებში არაერთხელ გადამოწმებული ზეთებით და ესპანური Coopoliva, რომელიც მსოფლიოში მოწინავეა ზეთისხილის წარმოებაში.
სხვადასხვა წარმოების ზეთის ფასი ევროპროდუქტის ონლაინ მაღაზიაში შეგიძლიათ იხილოთ.
ბლოგში მიმოვიხილავთ მცენარეული ცხიმის სხვადასხვა ტიპებს, მის სასარგებლო თვისებებსა და მრავალფეროვანი გამოყენების საშუალებებს.
ხმელთაშუა ზღვის მიმდებარე ტერიტორია ზეთისხილის ისტორიული სამშობლოა და ცნობილია, რომ ეს ხე დაახლოებით 6000 წლის წინ იყო გაშენებული ხმელთაშუა ზღვის გარშემო. კრეტის მეფის მინოსის კარზე ნაპოვნ ქვის ფირფიტებზე, რომლებიც 2500 წლით თარიღდება, გამოხატულია ზეთისხილის მცენარე. ეს იმის ვარაუდის საშუალებას იძლევა, რომ კულტივაცია საბერძნეთში დაიწყო.
ზეითუნის ზეთი შესაწვავად, თუ დაუმუშავებელ სალათებში, ოდითგანვე დიდი წარმატებით გამოიყენებოდა.
ზეითუნის ზეთი ერთ-ერთი მთავარი დანამატი იყო სუნამოების და კოსმეტიკურ საშუალებებში, რომლებსაც ძალიან აფასებდნენ ელინისტურ და რომაულ პერიოდებში.
თავიდანვე ითვლებოდა, რომ მას აქვს სამკურნალო ძალა. ჰიპოკრატე პირველი ცნობილი მედიცინის პრაქტიკოსია, რომელმაც ზეითუნის ზეთზე დამზადებული მალამოები ჭრილობებისა და ტრავმების სამკურნალოდ გამოიყენა.
ის მდიდარია გულისთვის სასარგებლო მონოუჯერი ცხიმებით და შეიცავს პოლიფენოლებს - ანტიოქსიდანტურ ნაერთებს.
ზეითუნის ზეთი მოკლებულია გარე ქიმიკატებს, რადგან მისი მოპოვების პროცესი სრულიად ბუნებრივია. ეს ხელს უწყობს საკვები ნივთიერებების შენარჩუნებას, როგორიცაა ვიტამინები და მინერალები.
ზეთისხილის მოსავალს, როგორც წესი, იღებენ ოქტომბერ-ნოემბერში. რაც უფრო მწიფეა ნაყოფი, მით უფრო მეტ სითხეს იძლევა. ზოგადად, ადრე დაკრეფილი ზეთისხილი მეტი ანტიოქსიდანტითა და მრავალფეროვანი გემოებით გამოირჩევა.
1 ჩაის კოვზი(4.5მგ) - 40 კალორია
1 სუფრის კოვზი(13.5) - 119 კალორია
100 გრამი - 884 კალორია
1 ჭიქა ზეითუნის ზეთი - 1910 კალორია
ასე რომ, თუ გაინტერესებთ ზეითუნის ზეთი ასუქებს თუ არა, გეტყვით, რომ ზომიერად მიღების შემთხვევაში, ამის რისკი არ არსებობს.
მისი განსაკუთრებული თვისებების გამო, ზეითუნის ზეთი, თუნდაც მზესუმზირას პროდუქტთან შედარებით, ოდნავ დიდია, მაგრამ ასევე დიდია განსხვავება ხარისხა და გემოს შორის.
ეს არის უმაღლესი ხარისხის პროდუქტი, რომელიც პირველადი დაწურვის შედეგია. წყალი და ზეთი განცალკევებულია და მისი მჟავიანობა მაქსიმუმ 0.8%-ია. შენახვის ვადა დაახლოებით 1 წელია და რეკომენდებულია, რომ გახსნიდან 6 კვირის განმავლობაში გამოიყენოთ.
ის ყველაზე ჯანმრთელი მცენარეული ცხიმია, რომელიც შეიცავს არაერთ ვიტამინს - A, D, E, K და ნატურალური ანტიოქსიდანტია. ებრძვის მრავალ მავნე დაავადებას, როგორიცაა დიაბეტი ტიპი 2, სიმსივნე, გულსისხლძარღვთა დაავადებები.
გარდა ამისა, აქვს მრავალფეროვანი გემოები. საუკეთესო ვარიანტია სალათებსა და სხვა ცივ კერძებში გამოსაყენებლად.
ბოლოდროინდელმა კვლევამ აჩვენა, რომ ზეითუნის ზეთი ექსტრა ვირჯინი გაცხელებისას ერთ-ერთი ყველაზე სტაბილური მცენარეული ცხიმია და არ კარგავს დადებით თავისებურებებს. ამიტომ, თავისუფლად შეიძლება ცხობისას მისი მოხმარება.
რაფსი ერთწლოვანი ყვითელი ყვავილოვანი მცენარეა. რაფსის ზეთი შეიცავს ომეგა-3-ს, რაც პირდაპირ ხელს უწყობს ქოლესტერინის შემცირებას, დადებითად მოქმედებს გულისა და ტვინის ფუნქციონირებაზე.
Რაფსის ყვავილის ზეთი ამარაგებს სისხლძარღვებს, ამცირებს თრომბის წარმოშობის რისკს. რაც მთავარია, მასში ნაჯერი ცხიმები ძალიან მცირე რაოდენობითაა და ეს ერთ-ერთი მთავარი უპირატესობაა.
ის კარგი ვარიანტია კერძის როგორც მაღალ ტემპერატურაზე მოსამზადებლად, ასევე ცივად, მაგალითად სალათებზე მოსასხმელად. მაღალ ტემპერატურაზე არ ეცვლება ფერი, გემო, სასარგებლო ანტიოქსიდანტების რაოდენობა და ხარისხი.
ბევრ სხვა მცენარეულ ცხიმთან შედარებით ხასიათდება შემდეგი უპირატესობებით:
რაფსის ზეთის ფასი ევროპროდუქტში ძალიან ხელმისაწვდომია. მაღაზიათა ქსელში დაგხვდებათ იტალიური “ზუჩის” პროდუქტი, რომლის ანოტაცია შემდეგია:
100მლ. პროდუქტის კვებითი ღირებულება: ცხიმები 91.6გ, ნახშირწყლები 0გ, შაქარი 0გ, ცილა 0გ, მარილი 0გ. ენერგეტიკული ღირებულება: 3389 კჯ / 824 კკალ.
მზესუმზირის ზეთი მზადდება მზესუმზირის მარცვლებისგან. როგორც წესი, ის არის რაფინირებული ზეთი. უკვე ვახსენეთ, რომ არარაფინირებულთან შედარებით მასში ნაკლებია სასარგებლო ნივთიერებები, მაგრამ უპირატესობა ისაა, რომ მაღალ ტემპერატურაზე შეწვისას არ იკარგება ბუნებრივად არსებული კვებითი ღირებულება.
ევროპროდუქტში წარმოდგენილი “ზუჩის” მზესუმზირის ზეთი 100%-ით იტალიური ეკოლოგიურად სუფთა მზესუმზირის მარცვლებისგანაა დამზადებული.
ის ცივი დაწნეხის მეთოდითაა ნაწარმოები. ფილტრაცია და ორთქლით წმენდა უნარჩუნებს უნიკალურ გემოს. ეს ყველაფერიიწყება ქიმიკატების გარეშე მოყვანილ მზესუმზირით და საბოლოო შედეგია უმაღლესი ხარისხის მცენარეული ცხიმილია. შესაბამისად, ის ნებისმიერი კულინარიული საქმიანობისთვის იდეალური დანამატია.
კულინარიის გარდა ბევრი სფერო არსებობს, სადაც სიმინდის ზეთი ინტენსიურად მოიხმარება.
ის არის გამწმენდი და საპოხი საშუალება. ასევე, ხშირად იყენებენ საწვავის დასამზადებლად ბენზინსა და დიზელზე მომუშავე ძრავებისთვის. გარდა ამისა, ის შედის ბევრ კოსმეტიკურ პროდუქტში, თხევად საპონსა და შამპუნში.
ის შეიცავს იმ ღირებულ კომპონენტებს, რომლებიც ხელს უწყობენ ორგანიზმის გაახალგაზრდავებასა და გაჯანსაღებას. სიჯანსაღეს უნარჩუნებს კანს, თმებსა და ფრჩხილებს.
კულინარიაში მას უნივერსალური გამოყენება აქვს. ეს არის რაფინირებული ზეთი, რომელიც გამოირჩევა ბაცი ყვითელი ფერით, არის გამჭვირვალე, უსუნო, ნეიტრალური გემოს მქონე. ამ მიზეზების გამო თანაბრად მოიხმარენ თევზის, ხორცია და ბოსტნეულის შეწვისას. არც საკონდიტრო საქმიანობაში მოიკოჭლებს.
ამასთან ერთად, ვინაიდან სიმინდის ზეთი არ იწვის, არ ქაფდება და არ წარმოქმნის კანცეროგენურ ნივთიერბებს, რეკომენდებულია დიეტური და საბავშვო კვებისთვის.
ქოქოსის ზეთი არის მცენარეული ნაწარმი, რომელიც მიღებულია ქოქოსისგან. მიუხედავად მცენარეული წარმოშობისა, სხვა ზეთებთან შედარებით, ცალსახად მაღალია გაჯერებული ცხიმებით.
ის არის ანტიოქსიდანტების კარგი წყარო, რომელიც უზრუნველყოფს ანთებისგან დაცვას, აქვს დიაბეტის საწინააღმდეგო ეფექტი და დადებითად მოქმედებს ტვინის ფუნქციონირებაზე.
მიუხედავად ჯანმრთელობის უამრავი სარგებლისა, როგორიცაა წონის კლება, ჯანმრთელი კანი, მეტაბოლიზმის გაზრდა, ამ სარგებლიანობაზე მიუთითებს მხოლოდ მცირე რაოდენობის კვლევა და არ არსებობს სტანდარტული რეკომენდებული დოზა დაავადების სამკურნალოდ, ან პროფილაქტიკისთვის.
ამის ნაცვლად, რეკომენდებულია ჯამური გაჯერებული ცხიმების მიღება ყველა საკვების წყაროდან, მათ შორის ქოქოსის ზეთიდან, ყოველდღიური კალორიების 10%-ზე ნაკლები იყოს. ყოველდღიურად მისაღები კალორიების რაოდენობა დაახლოებით 2000, შესაბამისად, ამ შემთხვევაში 200 კალორია არის ნორმა.
ვინაიდან, ერთი სუფრის კოვზი (14 გრამი) ქოქოსის ზეთი უდრის დაახლოებით 117 კალორიას, უმჯობესია შემოიფარგლოთ დაახლოებით ორი სუფრის კოვზით (28 გრამი) დღეში. გაითვალისწინეთ, რომ ეს მცირე ადგილს ტოვებს სხვა გაჯერებული ცხიმებისთვის, როგორიცაა, კარაქი, ან ცილა.
ქოქოსის ზეთი იდეალურია საშუალო ცეცხლზე კერძების მოსამზადებლად.
შეწვისას დაასხით 1-2 კოვზი, იქნება ეს ბოსტნეული, კვერცხი, ხორცი თუ თევზი.
გამოგადგებათ პოპკორნისთვის და შეგიძლიათ შეურიოთ ჩაის, ან ყავას.
ქოქოსის ზეთი ფასი ევროპროდუქტის ონლაინ მაღაზიაში შეგიძლიათ ნახოთ.
ეს სახეობა მზადდება ყურძნის წიპწის დაწნეხის შედეგად. ყურძნის მარცვალში არის წიპწი და საშუალოდ თითო მარცვალი ერთიდან ოთხამდე წიპწს შეიცავს. უნდა აღინიშნოს, რომ წიპწი საკმაოდ ცხიმიანია.
ძველად მას კოსმეტოლოგიაში იყენებდნენ და ნელ-ნელა უკვე კულინარიაშიც დამკვიდრდა.
ყურძნის წიპწის ზეთი E ვიტამინის უელვი წყაროა. კარგი საშუალებაა კანის გასამკვრივებლად და ეხმარება მას ტონუსის შენარჩუნებაში.
ყურძნის წიპწის ზეთი იდეალურია თევზისა და სალათების საკმაზად. მაგრამ მოერიდეთ იმ შემხვევაში, როცა კერძს ხანგრძლივი წვა ესაჭიროება.
უძველესი დროიდან, სელის ზეთი იყო არამხოლოდ საკვები პროდუქტი, არამედ მის სამკურნალო თვისებებსაც აქტიურად იყენებდნენ.
ის უზრუნველყოფს ორგანიზმიდან ტოქსინების გამოდევნას, დადებითად მოქმედებს ადამიანის ნერვულ სისტემაზე, ამცირებს ქოლესტერინის დონეს და ა.შ.
სელის ზეთი ომეგა 3 ის კარგი წყაროა, რაც ძალიან მნიშვნელოვანია ორგანიზმის სრულყოფილად ფუნქციონირებისათვის.
სელის ზეთი გასახდომად ასევე ერთ-ერთი ყველაზე ეფექტური საშუალებაა. ის აქვეითებს გაძლიერებულ მადას. ორგანიზმში მოხვედრის შემდეგ მისი მეშვეობით ცხიმი იშლება წყლად და გლიცერიდან. ორგანიზმი ამ პროდუქტებს არ ითვისებს, არამედ ორივე მათგანი ბუნებრივი გზით გამოიდევნება. სელის ზეთი განსაკუთრებით ეფექტურია ღამე, როდესაც ორგანიზმი ისვენებს.
სელის თესლის ზეთი ეფექტური პროფილაქტიკური საშუალება გულ-სისხლძარღვთა დაავადებებისთვის. მისი გავლენის შედეეგად ქოლესტერინული ფოლაქები მარტივად იშლება. მონაცემებზე დაყრდნობით, ორგანიზმში ომეგა 3-ის დონის აწევა, თუნდაც სულ მცირედი - 1%-ით, ამცირებს გულ-სისხლძარღვთა დაავადების რისკს 3-4%-ით.
ბლოგში მიმოვიხილეთ ამ ძალიან მნიშვნელოვანი საკვების პროდუქტის არაერთი ტიპი. ევროპროდუქტში თითოეული მათგანის ფართო არჩევანი შეგხვდებათ.
Ზეთებთან დაკავშირებული დამატებითი ინფორმაციისთვის, შეგიძლიათ გაეცნოთ ჩვენს ბლოგს: რა განსხვავებაა სხვადასხვა სახეობის ზეთს შორის და როგორ შევარჩიოთ, რომ მისგან მაქსიმალური სარგებელი მივიღოთ?
ჩვენი მაღაზიათა ქსელი ყოველთვის ზრუნავს საკუთარ მომხმარებელზე და ევროპულ უმაღლეს ხარისხთან ერთად, ყველასთვის მისაღებ ფასებს გთავაზობთ.
