საახალწლო სასაჩუქრე ნაკრები ევროპროდუქტში

საახალწლო საჩუქრები ამ დღის თანმდევი აუცილებელი ატრიბუტია და მის გარეშე დღესასწაული სრულყოფილი არ გამოვა. მიუხედავად იმისა, რომ ხშირად დიდი ხნით ადრე ვიწყებთ არჩევის პროცესს, რომ მზად გვქონდეს ორიგინალური საჩუქარი, ზოგჯერ მაინც რთულია ისეთი რამ აარჩიო, რაც უნივერსალურია - უკმაყოფილოს არავის დატოვებს და თან ამ დღის განწყობას იდეალურად გადმოსცემს.

ამ არც თუ ისე პატარა თავსატეხის ამოხსნაში “ევროპროდუქტი” დაგვეხმარება. “ევროპროდუქტი” თავის მომხმარებელს ყოველთვის ანებივრებდა ნამდვილი ევროპული ხარისხითა და გემოთი. 
ექსკლუზიურად 2026-ისთვის კი სპეციალური სასაჩუქრე კატალოგი შეიქმნა, რომელიც მთელს ევროპაში განთქმული ბრენდებისა და კომპანიების მიერ ნაწარმოები უამრავი განსხვავებული პროდუქტითაა დაკომპლექტებული.

თქვენ შეგიძლიათ სასაჩუქრე ნაკრები თქვენთვის სასურველი ნებისმიერი პროდუქციით შეავსოთ, მაგალითად, ტკბილეული, რომელიც აქამდე მხოლოდ ფილმებში თუ გვხვდებოდა, ან საუკუნოვანი ტრადიციის მქონე იტალიური და ესპანური ალკოჰოლური სასმელი, რომელიც ნებისმიერი სუფრის მთავარი მშვენება გახდება.

მაშინ, საკვების სახეობა, რომელსაც მიირთმევდნენ, დამოკიდებული იყო სოციალურ წოდებაზე. განსაკუთრებული შემთხვევებისთვის ერთმანეთისთვის გემრიელი კერძების შეთავაზება, ან სადღესასწაულო ვახშმებზე ერთმანეთის დაპატიჟება შთაბეჭდილების მოხდენისა და სიმდიდრის წარმოჩენის ერთ-ერთი მთავარი გზა იყო.

ახალი წლის ღამეს ნაჩუქარი საჩუქრები მოგვიანებით უფრო გავრცელდა მთელს ევროპაში და ჩვეულების ფორმა მიიღო. მაგალითად, გერმანიაში ბავშვები კარდაკარ დადიოდნენ და სთხოვდნენ ტკბილეულს, ან შოკოლადს. სანაცვლოდ ისინი მღეროდნენ, პატარა ნახატებს, ან ლექსებს სთავაზობდნენ ადამიანებს.

დღესდღეობით მსოფლიოს მრავალ ქვეყანაში საახალწლო საჩუქრები ამ დღის ერთ-ერთი მთავარი შემადგენელი ნაწილია. თითოეულ კულტურას თავისი უნიკალური ტრადიცია აქვს და ახალი წლის საჩუქრის იდეები ყველგან განსხვავებულია:

• ჩინეთში საახალწლო საჩუქარი ორიენტირებულია აყვავებასა და კეთილდღეობის უზრუნველყოფაზე. სწორედ აქ ხდება ფერები, ისევე როგორც რიცხვები, ჩინელებისთვის ძალიან მნიშვნელოვანი. ჩინელებისთვის კარგი საჩუქარი მეგობრისთვის, ან ზოგადად ახლობლისთვის არის “იღბლიანი წითელი პაკეტი”, საახალწლო ყუთები, რომელშიც ფული დევს. ასევე საჭმელი, რადგან ბევრის ჭამა და საკვების გაზიარება სიმდიდრის ნიშანია.
• ესპანეთში გავრცელებულია ოქროს ფოლგაში გახვეული შოკოლადის მონეტები და სასაჩუქრე ნაკრები ამ ტკბილეულითაც ივსება
• შვედეთში საჩუქარი მეგობრისთვის ნიშნავს "tomtegubbar"-ს, რომელიც, როგორც წესი, პატარა ფიგურები, ან ტკბილეულის ნაჭრებია.
• იაპონიაში გავრცელებულია საკე, იაპონური ბრინჯის სასმელი. 
  
  მიუხედავად იმისა, რომ დროთა განმავლობაში საახალწლო საჩუქრები შეიცვალა, სენტიმენტები იგივე დარჩა: საყვარელ ადამიანებს აჩვენო, რამდენად ზრუნავ მათზე. ასე რომ, ახლობელს შოკოლადს მიართმევთ, თუ ძვირფას ბოთლ ღვინოს, გახსოვდეთ, რომ საჩუქრები მრავალსაუკუნოვანი ტრადიციის ნაწილია.

სიაში პირველი Fazer გვხვდება, რომელიც კვების ფინური კომპანიაა. Fazer-ის ტკბილეულისა და შოკოლადის გემოს საიდუმლო მდგომარეობს უმაღლესი ხარისხის ნედლეულის ოსტატურ კომბინაციაში: ახალი რძე, კაკაოს მასა და ნატურალური ინგრედიენტები. „Karl Fazer“-ის სერია ცნობილია თავისი ლურჯი შეფუთვით, რაც ფინური ბუნების სიმბოლოა, ხოლო მათი „Geisha“-ს ხაზი თხილის ნაზი შიგთავსით იდეალური საჩუქარია მათთვის, ვისაც დახვეწილი გემოები უყვარს.

დანიური პრემიუმ ხაზის შოკოლადის მწარმოებელი Anthon Berg-ის სლოგანია „You can never be too generous“ - „ვერასოდეს იქნები საკმარისად გულუხვი“. და მართლაც, როცა საქმე ამ ბრენდის, ალკოჰოლით სავსე შოკოლადის ბოთლებს ეხება, რთულია თავი შეიკავო. ეს არის საჩუქარი, რომელიც ხაზს უსვამს ადრესატის განსაკუთრებულობას.

კლასიკური გემოს მოყვარულებისთვის კი გერმანული Mozart Reber და მისი ლეგენდარული „მოცარტის ბურთულები“ (Mozart Kugeln) შეუცვლელია. ფისტას მარციპანითა და ნუგათი სავსე შოკოლადი ნამდვილი ხელოვნებაა, რომელიც ნებისმიერ სასაჩუქრე ნაკრებს დაამშვენებს.

საახალწლო საჩუქრები ბავშვებისა და ოჯახისთვის ტკბილეულისა და ნამცხვრების გარეშე წარმოუდგენელია. „ევროპროდუქტისთვის“ მნიშვნელოვანია, რომ გარდა გემოსი, ჩვენი პროდუქცია სიჯანსაღითა და ხარისხით გამოირჩეოდეს.

იტალიური ახალი წლის მთავარი გმირი, Balocco-ს პანეტონე, თქვენი ოჯახური შეკრებების განუყოფელი ნაწილი უნდა გახდეს. კომპანია მრავალწლიანი ისტორიითა და ტრადიციული რეცეპტებით ქმნის ჰაეროვან ნამცხვრებს, რომლებიც მხოლოდ ნატურალური ინგრედიენტებით მზადდება. კატალოგში შეხვდებით როგორც კლასიკურ, ისე ტირამისუსა და ფისტის კრემით გაჯერებულ პანეტონებს.

იტალიურ ხაზს იდეალურად აგრძელებს Falcone-ს ასორტიმენტი. მათი ხრაშუნა კანტუჩინი ნუშით, ფისტითა თუ მოცვით, იდეალური დანამატია ჩაის ან ცხელი შოკოლადისთვის. ხოლო ბავშვებისთვის (და არა მარტო) ფერადი და ხალისიანი განწყობის შესაქმნელად, გერმანული Ritter Sport-ის მრავალფეროვანი ფილები საუკეთესო არჩევანია - აქ ყველა იპოვის თავის საყვარელ გემოს.

ყველი კატალოგში ოთხი სხვადასხვა ბრენდის ნაწარმითაა დაკომპლექტებული: Valio, Granarolo, ILE DE FRANCE, Castello. ამ პროდუქტის სარგებლიანობაზე უკვე ბევრი ვისაუბრეთ ბლოგში - “ყველი - ყველაფერი რაც მის შესახებ უნდა იცოდეთ“.  
ზუსტად მისი მნიშვნელობის გამო, მსოფლიოს ბევრ წერტილში საახალწლო საჩუქრები თავისთავად მოიცავს ძვირფას და ღირებულ ყველს. მაგალითად, ასეთია “ვალიოს” პარმეზანი “გრან რეგალე”. 

100 წელზე მეტი ხნის განმავლობაში, Valio-ს ყველის მწარმოებლები სტაბილურად ინარჩუნებდნენ უმაღლეს ხარისხს. ამის მიზეზია სუფთა და ახალი ფინური რძე, რომელიც სტატისტიკურად ერთ-ერთი ყველაზე სუფთაა ევროკავშირში. 
აქვეა “გრანაროლოს” გრანო პადანო”. “გრანაროლო” დიდი ხანია რაც გთავაზობს ტრადიციული იტალიური ყველის არჩევანს. პროდუქტი ავთენტურია იმ იტალიური რეგიონებისთვის, სადაც ის იწარმოება. 

ცოტა რომ შევამსუბუქოთ რაციონი ამისთვის თხილი და ჩირი დაგვჭირდება. მითუმეტეს, როცა მწარმოებელი KLUTH გერმანული ხარისხის ნიშას ატარებს.
იქნება ეს თხილი, თუ ჩირი, KLUTH უზრუნველყოფს, რომ მხოლოდ საუკეთესო პროდუქტი მოხვდეს მომხმარებელთან. 1928 წლიდან KLUTH აწარმოებს მაღალი ხარისხის სასურსათო პროდუქტებს, როგორც დაბალანსებული დიეტისათვის, ასევე მაქსიმალური სიამოვნებისთვის.

იტალიურთან ერთად შეგიძლიათ ესპანური ღვინით შეავსოთ სასაჩუქრე ნაკრები.
Manzano Wines 125 წლიან ისტორიას ატარებს. ის გვთავაზობს დაბალანსებულ, აბრეშუმისებრ ხილის ნოტებსა და კარგად ინტეგრირებულ მჟავიანობას.

ესპანური Voche Blanco უმაღლესი ხარისხის ღვინოა, რომელიც გასაოცარი სტრუქტურით გამოირჩევა. “ფერნანდეს დე მანზანოსის” ბეჭედი მიუთითებს იმ უმაღლეს ხარისხზე, რომელსაც Voche Blanco ატარებს. ღვინოს სასიამოვნოდ დაყვება ლიმონის, გრეიფრუტის, სანელებლებისა და ვანილის ნოტები.

კატალოგში ალკოჰოლურ სასმელთან ახლოსაა ხორცპროდუქტები. სწორად შერჩეული ღვინო და ხარისხიანი ხორცპროდუქტი განსაკუთრებულ ტანდემს ქმნიან და ნებისმიერ დღესასწაულისთვის მამაკაცის საჩუქარი თავისთავად ამ ორ პროდუქტსაც უნდა გულისხმობდეს.

ხორცის სექცია დატვირთულია ELPOZO-ს ნაწარმით. “ელპოზო” ესპანური კომპანიაა, რომელიც უმაღლესი ხარისხის პროდუქტს აწარმოებს. „ელპოზოს“ საკუთარ ფერმებსა და მინდვრებში მოჰყავს ცხოველების საკვები. კომპანიას  განსაკუთრებული მიდგომა აქვს გარეული შავი ღორის მოშინაურებისთვის. “ელპოზო” ინოვატორია ტახ “იბერიკოსთვის” სპეციალური პირობების შექმნაში - ცხოველებს ისეთი გარემო აქვთ, როგორიც ტყეშია. იკვებებიან რკოთი და ბალახით. ზუსტად ამ მიდგომის გამო “ელპოზოს” ხამონი “იბერიკო” ერთ-ერთი ყველაზე სასურველი ხორცპროდუქტია. ხამონი „იბერიკო” პლუს სასაჩუქრე ნაკრები (სადგამი, დანა) ამ კატალოგშიც დაგხვდებათ.

საბოლოოდ შეგვიძლია იმის თქმა, რომ “ევროპროდუქტის” კატალოგი საკმაოდ მრავალფეროვანია და მოიცავს პროდუქციის ფართო არჩევანს, რითაც შეგიძლიათ შეავსოთ თქვენი სასაჩუქრე ნაკრები. 

ორიგინალური საჩუქარი ყველას უყვარს, განსაკუთრებით, როცა ეს საჩუქარი გემრიელია და რაც მთავარია, უსაფრთხოა და უმაღლესი ხარისხს ატარებს.
ასე რომ, ახლოვდება წლის ყველაზე ჯადოსნური დღესასწაული, რომელიც სურვილების და ოცნებების ასრულებას უკავშირდება. 

რახან დეტალურად მიმოვიხილეთ საახალწლო საჩუქრები და შემოგთავაზეთ საუკეთესო საახალწლო სასაჩუქრე ნაკრები, არც კერძების მომზადების იდეებს დაგზარდებით. საახალწლო კერძების რეცეპტები  დაგეხმარებათ მარტივად მოამზადოთ სრულიად განსხვავებული და ტრადიციული კერძები.

„ევროპროდუქტი“ დაგეხმარებათ, თქვენთვის სასურველ ბიუჯეტში, ექსკლუზიურად, ერთ სივრცეში შეარჩიოთ ევროპის სხვადასხვა ქვეყნებიდან საახალწლო საჩუქრები განსაკუთრებული ადამიანებისთვის, თანამშრომლებისთვის და პარტნიორებისთვის
გადაათვალიერეთ “ევროპროდუქტის” შეთავაზებები და კიდევ უფრო გაალამაზეთ საახალწლო განწყობა.