5 ჯანსაღი სოუსი თქვენი კერძების მრავალფეროვნებისთვის

სოუსი კერძს განსხვავებულ არომატს აძლევს, მის გემოსა და ტექსტურას კი უფრო მრავალფეროვანს ხდის. თუმცა, ყველასთვის ნაცნობი  სოუსები, რომლებიცაა მაიონეზი, კეტჩუპი და სხვა მზა პროდუქტები დიდი რაოდენობით შაქარს, კონსერვანტებსა და ზედმეტ კალორიებს შეიცავს.

საბედნიეროდ, გავრცელებული ვარიანტების გარდა არსებობს მცენარეული და რძის პროდუქტების ბაზაზე დამზადებული სოუსებიც, რომლებიც გემრიელიც არის და სასარგებლოც. ამ ბლოგში ასეთი სოუსების შესახებ მოგიყვებით, რომლებიც სხვადასხვა კულტურიდან მოდის და სახლში მარტივად მზადდება.

ძაძიკი ძალიან უხდება გრილზე მომზადებულ ხორცს, ბოსტნეულის სალათებს, ვრაპებსა და სენდვიჩებს, თუმცა გემოვნური თვისებების გარდა, ის სასარგებლოც არის. ძაძიკი გაწურული ბერძნული იოგურტის ბაზაზე მზადდება, ამის გამო ის თითქმის ორჯერ მეტ ცილას შეიცავს, ვიდრე მაწვნით ან არაჟნით მომზადებული სოუსები. ამასთან ერთად, იოგურტი მდიდარია სასარგებლო ბაქტერიებით, რომლებიც საჭმლის მონელების პროცესს აუმჯობესებს.  

კლასიკური ძაძიკის მოსამზადებლად დაგჭირდებათ 250 გრამი ბერძნული იოგურტი და ერთი საშუალო ზომის კიტრი. იმისთვის, რომ მასა წყლიანი არ გამოვიდეს, გახეხილ კიტრს მარილი მოაყარეთ და 10-15 წუთი დააყოვნეთ, შემდეგ კი ხელით კარგად გაწურეთ. ცალკე ჭურჭელში ორ დაჭყლეტილ ნიორს შეურიეთ ერთი სუფრის კოვზი ექსტრა ვირჯინის ზეითუნის ზეთი და ერთი ჩაის კოვზი ლიმონის წვენი ან თეთრი ღვინის ძმარი. ყველა ინგრედიენტს იოგურტი და წვრილად დაჭრილი კამა შეურიეთ. სოუსი მაცივარში ნახევარი საათით დატოვეთ, რათა არომატები ერთმანეთს გაუჯდეს.

ამ სოუსის მოსამზადებლად აუცილებლად უნდა შეარჩიოთ კარგად მწიფე ავოკადო. დაგჭირდებათ ნახევარი თავი წვრილად დაჭრილი ხახვი, კუბებად დაჭრილი პომიდორი (რბილობის გარეშე), ნიორი, ლაიმი და 50 გრ. ქორფა ქინძი. ინგრედიენტები კარგად შეურიეთ ერთმანეთს და გემრიელად მიირთვით ტოსტებთან, კვერცხთან ან გამოიყენეთ ნებისმიერ მექსიკურ კერძში. 

კლასიკური პესტოს მოსამზადებლად საჭიროა:

ახალი რეჰანი - 50 გრამი;

ფიჭვის კაკალი (კედარის კაკალი) - 50 გრამი;

პარმეზანი (გახეხილი) - 50 გრამი;

ზეითუნის ზეთი - 110 გრამი;

ნიორი და მარილი - გემოვნებით.

ბლენდერით კარგად დააქუცმაცეთ თხილეული და ნიორი, შემდეგ დაამატეთ რეჰანი და ყველი. ზეთი თქვეფისას ნელ-ნელა დაასხით, რათა ერთგვაროვანი მასა მიიღოთ. მაცივარში შენახვისას პესტოს ზედაპირზე ზეითუნის ზეთის თხელი ფენა მოასხით, რათა ჰაერთან კონტაქტი შეიზღუდოს.

მოსამზადებლად ნახევარი ჭიქა წვრილად დაჭრილი ოხრახუში, ორი სუფრის კოვზი ახალი ორეგანო, ოთხი კბილი ნიორი, ორი სუფრის კოვზი წითელი ღვინის ძმარი და ნახევარი ჭიქა ზეითუნის ზეთი დაგჭირდებათ. ინგრედიენტები ძალიან წვრილად უნდა დაჭრათ და ბლენდერი არ გამოიყენოთ.

სოუსისთვის ნახევარ ჭიქა ტაჰინს სამი სუფრის კოვზი ლიმონის წვენი, ერთი დანაყილი ნიორი, ორი სუფრის კოვზი ზეითუნის ზეთი და ცოტაოდენი თაფლი სჭირდება. მომზადება ნივრისა და ტაჰინის შერევით დაიწყეთ, შემდეგ დაამატეთ ლიმონი. ამ დროს ნელ-ნელა დაამატეთ დაახლოებით მეოთხედი ჭიქა ცივი წყალი და ინტენსიურად თქვიფეთ, სანამ მასა არ გაღიავდება და არაჟნის სისქის არ გახდება.

ბევრი ჩივის, რომ ტაჰინში ლიმონის დამატებისას მასა მომენტალურად სქელდება და იჭრება. ეს ბუნებრივი პროცესია და არ უნდა შეგეშინდეთ. თუ წყლის დამატებას ნელ-ნელა გააგრძელებთ და თან ინტენსიურად აურევთ, მიიღებთ ერთგვაროვან, კრემისებრ მასას.

თითოეულ სოუსს თავისი ადგილი აქვს სამზარეულოში. ძაძიკი ცხიმიან კერძებს აბალანსებს, გუაკამოლე საუზმეს ამრავალფეროვნებს, პესტო იტალიური კერძების განუყოფელი ნაწილია, ჩიმიჩური გრილზე მომზადებულ, ტაჰინი კი ვეგეტარიანულ კერძებს უხდება.

„ევროპროდუქტის“ ქსელში ამ სოუსების მოსამზადებლად საჭირო ყველა ინგრედიენტი დაგხვდებათ. ჩვენთან შეარჩევთ ბერძნულ იოგურტებს, მწიფე ავოკადოს, სხვადასხვა სახეობის ყველს, ნამდვილ ზეითუნის ზეთსა და ყოველთვის ახალ მწვანილს.

შეარჩიეთ საუკეთესო პროდუქტები „ევროპროდუქტის“ ფიზიკურ თუ ონლაინ მაღაზიაში და მოამზადეთ სახლში ჯანსაღი სოუსები, რომლებიც თქვენს კერძებს განსაკუთრებულ არომატს შესძენს.