შიიტაკეს და ტრიუფელის რავიოლი

შიიტაკესა და ტრიუფელის რავიოლი უგემრიელესი დელიკატესია.

კერძის მოსამზადებლად დაგჭირდებათ:

• შიიტაკე 500 გ
• ხის სოკო 500გ
• Lurpak-ის კარაქი
• 1 კბილი ნიორი
• ფქვილი 550 გ
• Zucchi-ს მზესუმზირის ზეთი
• 6 კვერცხი
• Colle del Tartufo -ს ტრიუფელის სოუსი
• Arla-ს ორგანული კრემ ყველი

სოუსისთვის მოსამზადებლად საჭიროა:

• ცოტა ფორთოხლის ცედრა
• Zucchi-ს წიწაკიანი ზეთი
• 50 გ Lurpak-ის კარაქი
• Truffle chef -ის ტრიუფელის პასტა
• 1 კბილი ნიორი
• წითელი წიწაკა

დავიწყოთ მზადება:

ფქვილს დავამატოთ 4 მთლიანი კვერცხი, 2 გული,  კარგად მოვზილოთ, ჩავდოთ კულინარიულ პარკში და შევინახოთ მაცივარში.

წვრილად დავჭრათ სოკო, ტაფას მოვასხათ Zucchi-ს მზესუმზირის ზეთი, კარგად გავახუროთ, დავაყაროთ სოკო, მარილი და 7-ჯერ მაინც დავადეგლაზიროთ, წყლის დამატებითა და ამოშრობით, სანამ არ მიიღებს ყავისფერს და არ გახდება ერთგვაროვანი მასა. ეს პროცესი უნდა გაგრძელდეს დაახლოებით ნახევარი საათი.

დავჭრათ წვრილად ნიორი, დავამატოთ სოკოს მასას და მოვაყაროთ პილპილი. ასევე დავამატოთ 20 გრამი Lurpak-ის კარაქი და Colle del Tartufo – ს ტრიუფელის სოუსი.

სოკო ჩავყაროთ ჩოფერში, დავამატოთ Arla-ს ორგანული კრემ ყველი. დავაჩოფეროთ და გავაგრილოთ.

გავაბრტყელოთ ცომი, ისე რომ თხელი, გრძელი ნაჭერი გამოვიდეს.

ჩავდოთ სოკოს მასა კულინარიულ ჩანთაში და გამოვიყვანოთ გაბრტყელებულ ცომზე მრგვალ ფორმებად, მცირე დისტანციებით. გადავაფაროთ მეორე ფენა ცომი და მივცეთ რავიოლის ფორმა, როგორც ვიდეოშია მოცემული.

ავადუღოთ წყალი, ჩავყაროთ ერთი მუჭა მარილი და მოვხარშოთ რავიოლი.

მოვამზადოთ სოუსი:

ტაფაზე დავასხათ ცხარე წიწაკიანი ზეთი. დავამატოთ ნახევარი ფორთოხლის ცედრა, 1 კბილი ნიორი, კარაქი, წითელი წიწაკა, ფორთოხლის წვენი. ამოვავლოთ მასში რავიოლი, გადმოვიტანოთ თეფშზე, დავამატოთ ტაფაზე დარჩენილი მასა და ტრუფელის სოუსი.