პროფიტეროლე

დაგჭირდებათ:

ცომისთვის:

250 მლ. წყალი

60 გ. კარაქი

მწიკვი მარილი

1 არასავსე ჩ.კ. შაქრიანი ვანილი

130 გ. ფქვილი

3 ც. კვერცხი

კრემისთვის:

250 მლ. რძე

2 ს.კ. ფქვილი

5 ს.კ. შაქარი

100 გ. კარაქი (ოთახის ტემპერატურის)

1/2 ჩ.კ. შაქრიანი ვანილი

მომზადება:

ქვაბში მოათავსეთ წყალი, კარაქი, ვანილი და მარილი, დადგით საშუალო ცეცხლზე და აადუღეთ. შემდეგ დაუმატეთ. ურიეთ რამდენიმე წუთით.

ცომი გუნდად უნდა იქცეს და ქვაბის ძირზე თეთრი აპკი უნდა გაჩნდეს, ამ დროს ცომი მზადაა. გადმოდგით ცეცხლიდან და გააგრილეთ. (ცომის გაგრილება ერთ-ერთი უმნიშვნელოვანესი დეტალია).

გაგრილებულ ცომს მიქსერით სათითაოდ შეათქვიფეთ კვერცხები.

საცხობ ფორმაზე დააფინეთ საცხობი ქაღალდი, საკონდიტრო პარკის ან ჩაის კოვზის დახმარებით დასვით ცომი.

შედგით 200 გრადუსზე გაცხელებულ ღუმელში და აცხვეთ 20-25 წუთი.

გამომცხვარი მასა გადაიტანეთ ცხაურზე და გააციეთ.

კრემის მოსამზადებლად ქვაბში ჩაცერით ფქვილი, დაუმატეთ შაქარი, აურიეთ, შემდეგ ნელ-ნელა შეურიეთ რძე და დადგით საშუალო ცეცხლზე, თან განუწყვეტლივ ურიეთ. როცა შესქელდება და წამოდუღდება 1-2 წუთი კვლავ გააჩერეთ ცეცხლზე, შემდეგ გადმოდგით და გააციეთ.

კარაქი გათქვიფეთ, როცა კრემისებური კონსისტენციის გახდება ნელ-ნელა შეათქვიფეთ მოხარშული კრემი, ბოლოს კი ვანილი.

გაციებულ პროფიტეროლეს ძირზე გაუკეთეთ პატარა ნახვრეტი, საკონდიტრო პარკის საშუალებით ამოავსეთ კრემით.

შავი შოკოლადი გაადნეთ დაბალ ცეცხლზე და მოასხით მიღებული მასა პროფიტეროლეს.

https://www.lurpak.com/en/recipes/profiteroles-tower/