ოთხი ყველის რავიოლი

თუ აქამდე პასტა სახლში არ მოგიმზადებიათ, მაშინ რავიოლი მიზეზია ამის საცდელად. 4 ყველის განსხვავებული გემოებით გამდიდრებული ეს კერძი გურმანების ფავორიტია და ჩვენი რეცეპტით მომზადების შემთხვევაში ნამდვილად თქვენი ფავორიტიც გახდება.

ინგრედიენტები:

• 300 გ. უმაღლესი ხარისხის ფქვილი;
• 3 კვერცხი;
• 225 გ. რიკოტა;
• 100 გ. ნაღების ყველი;
• 60 გ. გახეხილი მოცარელა;
• 60 გ. გახეხილი ჩედერი;
• 1 კონა წვრილად დაჭრილი ოხრახუში;
• 30 გ. კარაქი;
• 100 გ. ფიჭვის თესლი;
• მარილი და პილპილი გემოვნებით;
• როზმარინის დაჭრილი ფოთლები

მომზადების წესი:

რავიოლის პირდაპირი თარგმანი ქართულ ენაზე ცომს ნიშნავს, ამიტომ მოდით დავიწყოთ სწორედ მისი მომზადებით. ჩაყარეთ ფქვილი ჯამში, ცენტრში ამოაღრმავეთ და ჩაახალეთ კვერცხი. მოზილეთ კარგად, მიეცით ბურთის ფორმა, გადაახვიეთ ცელოფანში და შეინახეთ მაცივარში 30 წუთით.

ამასობაში აურიეთ რიკოტა, ნაღების ყველი, მოცარელა, ჩედერი, ოხრახუში, მარილი და პილპილი. აღსანიშნავია, რომ რავიოლი რომში სწორედ, რომ რიკოტას გამოყენებით მზადდება.

ახლა კი დროა კერძის აწყობაზე გადავიდეთ. ფქვილმოყრილ დაფაზე გააბრტყელეთ ცომი, გაყავით შუაზე, ერთ ნაწილზე მოათავსეთ ყველისგან მომზადებული შიგთავსი, გადააფარეთ ცომის მეორე ნაჭერი და მიეცით რავიოლის ფორმა.

ხარშეთ მარილიან წყალში საშუალო ცეცხლზე 2-3 წუთი, სანამ ზემოთ არ ამოიწევს.

კარაქიან ტაფაზე დაბრაწეთ ფიჭვის თესლი, დაუმატეთ როზმარინი და მოასხით რავიოლის.