მინი ჩიზქეიქი

თუ გრძელი დღის ბოლოს ჩიზქეიქი მოგინდათ და მომზადების ენერგია არ გაქვთ მაშინ ეს რეცეპტი თქვენთვისაა.

მინი ჩიზქეიქის მოსამზადებლად დაგჭირდებათ:

150 გ კარაქის ორცხობილა

75 გ კარაქი ლურპაკი (უმარილო)

მწიკვი მსხვილი მარილი

500 გ კრემყველი არლა

100 გ შაქარი

50 გ ნაღები (33%)

1 ლიმონის ცედრა

2 კვერცხი

1 ჩ.კ. ვანილის პასტა ან ექსტრაქტი სურვილისამებრ

მომზადების წესი:

გამოსაცხობად: 8 ცალი ინდივიდუალური ყალიბი (7 სმ დიამეტრის) ან ერთი 18 - 20 სმ დიამეტრის საცხობი ყალიბი.

კრემყველი, ნაღები და კვერცხი გამოიღეთ მაცივრიდან მომზადებამდე 30 წუთით ადრე.

გააცხელეთ ღუმელი 180 გრადუსზე. ორცხობილა დაატრიალეთ საკვების პროცესორში, დაუმატეთ დამდნარი, შეგრილებული კარაქი და მწიკვი მარილი, მოურიეთ. უნდა მიიღოთ სველი, თუმცა ფხვიერი მასა. გაანაწილეთ ყალიბებში და კარგად ჩატკეპნეთ, გამოაცხვეთ 8 წუთი.

ღუმელი ჩამოიყვანეთ 160 გრადუსზე.

კრემყველი, შაქარი, ვანილის პასტა და ლიმონის ცედრა ათქვიფეთ მიქსერით, დაუმატეთ ნაღები, შემდეგ კვერცხი სათითაოდ, პარალელურად განაგრძეთ თქვეფა, ვიდრე ერთგვაროვან მასას არ მიიღებთ.

კრემყველის მასა გადაანაწილეთ ყალიბებში დაგამოაცხვეთ 33-40 წუთი 160 გრადუსზე, პატარაყალიბების შემთხვევაში (18 სმ - 50 წუთი).

ჩიზქეიქმა სინოტივე რომ შეინარჩუნოს, ცხობისას ფირფიტაზე, ღუმელთან თავსებადი ჯამით, დადგით წყალი.  

უმჯობესია გააცივოთ მაცივარში ერთი ღამით და მიირთვათ მეორე დღეს, მორთეთ სეზონური კენკრითან კენკრის ჯემით.