ალუბლის ჩიზქეიქი

ინგრედიენტები: 

• ალუბალი - 300 გ
• ნაღების ყველი
• კვერცხი - 4 ცალი
• კონიაკი - 2 ს/კ
• ლიმონის წვენი - 3 ს/კ
• შაქარი - 160 გ
• სიმინდის სახამებელი - 45 გ
• ნაღები - 250 მლ
• ვანილი - 1 ჩხირი
• შაქრის პუდრა - სურვილისამებრ

მომზადება:

ამოაცალეთ კურკა ალუბლებს. ათქვიფეთ ნაღების ყველი შაქართან ერთად. დაუმატეთ ვანილის ჩხირიდან მარცვლები და კონიაკი.
შემდეგ შეათქვიფეთ მიღებულ მასას სათითაოდ კვერცხი. დაუმატეთ ნაღები, სახამებელი და ლიმონის წვენი.
ყველაფერი კარგად აურიეთ. გადაიტანეთ მიღებული მასის ერთი ნაწილი პერგამენტდაფენილ ფორმაში.
ზემოდან თანაბრად გაანაწილეთ დაჭრილი ალუბალი, ზემოდან კი გაანაწილეთ დარჩენილი ცომის მასა. მორთეთ დარჩენილი ალუბლებით.
აცხვეთ ჩიზქეიქი წინასწარ 180 გრადუსზე გახურებულ ღუმელში დაახლოებით 1 საათი.
შემდეგ გააცივეთ და მოაყარეთ შაქრის პუდრა.
გემრიელად მიირთვით!