გოგრის წვნიანი ხრაშუნა ბეკონით

დაგჭირდებათ:

• 1 საშუალო გოგრა
• 3 ს.კ. ზეითუნის ზეთი
• 1 თავი ხახვი
• 4 კბილი ნიორი
• 1 მოზრდილი კარტოფილი
• 1 ჩ.კ. წვრილად დაჭრილი ჯანჯაფილი
• მწიკვი დაღერღილი წითელი წიწაკა
• 150 მლ ნაღები Sterilgarda
• 50 გ ბეკონი Beretta
• მარილი, პილპილი გემოვნებით
• გოგრის გული მოსაყრელად

გოგრა დავჭრათ მოზრდილ ნაჭრებად და მოვხარშოთ ორთქლზე, მზადყოფნამდე.

ქვაბში ჩავასხათ ზეითუნის ზეთი, მოვშუშოთ დაჭრილი ხახვი და ნიორი, ვშუშოთ, ვიდრე ხახვი გამჭვირვალე არ გახდება, ან ოდნავ მოიბრაწება.

დავამატოთ დაჭრილი კარტოფილი, მოვშუშოთ რამდენიმე წუთი, აქვე დავამატოთ დაღერღილი წიწაკა და ჯანჯაფილი. შემდეგ დავასხათ წყალი, კარტოფილი რომ დაიფაროს. 

ვხარშოთ თავდახურული, კარტოფილის მზადყოფნამდე.

მოხარშული გოგრის რბილობი, დაახლოებით 600-700 გ გადავიტანოთ ქვაბში, დავასხათ ნაღები და დავაბლენდეროთ ხელის ბლენდერით (ან მთლიანი მასა გადავიტანოთ ჭიქა-ბლენდერში და დავატრიალოთ ერთგვაროვანი მასის მიღებამდე), სისქეს ვარეგულირებთ ადუღებული წყლით. ვამატებთ მარილს და პილპილს სურვილისამებრ. 

გახურებულ ტაფაზე დავდოთ ბეკონის ნაჭრები და მოვბრაწოთ ორივე მხრიდან. გადავიტანოთ ხელსახოცზე, რომ ზედმეტი ცხიმი მოვაშოროთ.

წვნიანი გავანაწილოთ ჯამებში, მოვაყაროთ გოგრის გული, ხრაშუნა ბეკონი და მოვასხათ ნაღები.