ღვეზელი ჯემით

ცომისთვის დაგჭირდებათ:

• ფქვილი - 300გრ.
• მწ. მარილი
• შაქარი - 50გრ.
• კარაქი Valio - 180გრ.
• 1 ს/კ ძმარი
• 4 ს/კ ცივი წყალი

მომზადება:

• ფქვილს დავუმატოთ მწიკვი მარილი, შაქარი და ცივი კარაქი. გავაფხვიეროთ ხელით და შემდეგ დავუმატოთ ძმარი და ცივი წყალი.
• როგორც კი ცომი შეიკვრება გავყოთ 2 ნაწილად , შევფუთოთ საკვებ ცელოფანში და დავაყოვნოთ მაცივარში 30 წუთით.

შიგთავსისთვის:

• ST. Dalfour-ის ჯემი 2 ცალი (მარწყვის და მოცვის)

შუა გულში:

• 2 ჭ. ფქვილს დავუმატოთ 0,5 ჭ. შაქარი, 100გრ. Valio-ს კარაქი, მწ. მარილი და გავაფხვიეროთ.

აწყობა:

• დაყოვნებული ცომის ერთი ნაწილი გავაბრტყელოთ, მოვათავსოთ ცხიმწასმულ ტარტის საცხობ ფორმაში (ყალიბის დიამეტრი 22სმ) და ხელით გავუსწოროთ გვერდები.
• ძირი დავჩხვლიტოთ ჩანგლით, გადავუსვათ მარწყვის ჯემი, შემდეგ მოვაყაროთ გაფხვიერებული მასა და ამის შემდეგ გადავუსვათ მოცვის ჯემი.
• ცომის მეორე ნაწილი გავაბრტყელოთ, ამოვჭრათ სასურველი ფორმები და მოვრთოთ სურვილისამებრ.
• ზემოდან გადავუსვათ კვერცხის და წყლის ნარევი, მოვაყაროთ შაქარი სიხრაშუნისთვის (სურვილისამებრ).
• ვაცხობთ გახურებულ ღუმელში 180 გრადუსზე 30-40 წუთით, სანამ ოქროსფერი არ გახდება.

გემრიელად მიირთვით!