ქათმის ბირიანი

ქათმის ბირიანის – ინდური სამზარეულოს ერთ-ერთი ყველაზე გამორჩეული კერძის – პოპულარობა დიდი ხანია გასცდა ინდოეთის საზღვრებს და ის მთელმა მსოფლიომ შეიყვარა. მას განსაკუთრებულობას და ავთენტურობას ქვეყნის ტრადიციული სურნელოვანი და ცხარე სანელებლები და სპეციალური წესით მომზადებული ბრინჯი სძენს.

 

ამ კერძის მომზადება, შეიძლება, რთული მოგეჩვენოთ, თუმცა, ჩვენი დეტალური რეცეპტის მეშვეობით, პროცესი ძალიან გაგიმარტივდებათ. ჩვენ ქათმის ბირიანისთვის საჭირო ყველა ინგრედიენტს გაგაცნობთ და ნაბიჯ-ნაბიჯ აგიხსნით მისი მომზადებისთვის საჭირო პროცედურებს. გაგიზიარებთ რამდენიმე ხრიკსაც, რომლებიც თქვენს კერძს კიდევ უფრო მეტ განსაკუთრებულობას შესძენს.

 

მაშ ასე, დავიწყოთ!

მომზადების დრო: 1 საათი და 30 წუთი                     ულუფა: 4 კაცი

ინგრედიენტები

მარინადისთვის

 

100 მლ ნატურალური იოგურტი

¼ ჩ.კ. კურკუმას ფხვნილი

1 ჩ.კ. წიწაკის ფხვნილი

2 ს.კ. ლიმონის წვენი

2 ჩ.კ. დაფქულიკვლიავი

2 ჩ.კ. დაფქულიქინძი

1 ჩ.კ. დაფქულიდარიჩინი

ქათმის 6 უძვლო ბარკალი, დაჭრილი დიდ ნაჭრებად

 

ბირიანისთვის

 

300 გრ ბასმატის ბრინჯი

60 გრ ლურპაკის უმარილო კარაქი

2 დიდი ხახვი, წვრილად დაჭრილი

2 კბილი ნიორი, წვრილად დაჭრილი

ცერა თითის ზომის ჯანჯაფილი, გაფცქვნილი და გახეხილი

15-18 კარდამონის მარცვალი

დარიჩინის 1 პატარა ჯოხი

დაფნის 2 ფოთოლი

1 წითელი ცხარე წიწაკა (სურვილის შემთხვევაში)

1 ჩ.კ. კურკუმას ფხვნილი

850 მლ ქათმის ბულიონი (ნახარში)

1 პატარა კონა ქინძი, უხეშად დაჭრილი

15 გრ პიტნის ფოთოლი

15 გრ ახალი ქინძი, უხეშად დაჭრილი

30 გრ კეშიუ, მსუბუქად მოხალული და უხეშად დაჭრილი

 

 

მომზადების წესი

 

შეურიეთ მარინადისთვის განკუთვნილი ყველა ინგრედიენტი და ჩააწყვეტ მასში ქათმის ნაჭრები. დააყოვნეთ, სულ მცირე, ერთი საათით. თუმცა, გაითვალისწინეთ, რომ, უკეთესია, თუ ქათამს მარინადში მთელი ღამით დატოვებთ.

 

საცერში ჩაყარეთ ბრინჯი და გარეცხეთ გამდინარე წყლით, იქამდე, სანამდე წყალი არ დაიწმინდება.

 

ტაფაზე გაადნეთ ლურპაკის 30გრ უმარილო კარაქი და მოთუშეთ მასში ქათმის ნაჭრები. დაახლოებით, 10 წუთის შემდეგ, ამოიღეთ ნაჭრები ტაფიდან და დროებით სხვა ჭურჭელში მოათავსეთ.

 

ქაღალდის ხელსახოცით მსუბუქად გაასუფთავეთ იგივე ტაფა ზედმეტი ნარჩენებისგან. შემდეგ კი, ლურპაკის 30 გრ კარაქში მოშუშეთ ხახვი, ნიორი და ჯანჯაფილი იქამდე, სანამ ინგრედიენტები არ შეოქროსფერდება. დაამატეთ ბრინჯი და სანელებლები და ერთი წუთის განმავლობაში დააყოვნეთ ცეცხლზე. ბრინჯს დაუმატეთ ქათამი, მოასხით ქათმის ბულიონი, დააფარეთ ტაფას სახურავი და მიიყვანეთ ადუღებამდე. ადუღების შემდეგ, მაქსიმალურად დაუწიეთ ცეცხლს და გააჩერეთ კიდევ 10 წუთით, რათა ბრინჯი კარგად მოიხარშოს.

გამორთეთ ცეცხლი და ინგრედიენტები ორთქლში 10 წუთით გააჩერეთ. შემდეგ კი, მოაყარეთ კერძს ქინძი და გააფორმეთ ულუფები პიტნის ფოთლებითა და ქეშიუთი.

 

რჩევები

კარაქი გადნობის შემდეგ ყავისფერი ხდება. მისი ამ სახით გამოყენება სხვა ინგრედიენტების გემოებს უფრო ამდიდრებს და გამოკვეთს. თუმცა, თუკი მას ზედმეტად დიდხანს გავაჩერებთ ცეცხლზე, მას დავწვავთ და გემოვნურ თვისებებს დავუკარგავთ. იმისათვის, რომ ზომიერების დაცვა გაგვიმარტივდეს, უმჯობესია, თუ უმარილო კარაქს გამოვიყენებთ. ასევე, ის კუბებად უნდა დავჭრათ, რათა დნობისას ტემპერატურა თანაბრად გადანაწილდეს და ერთდროულად დადნეს.

გაითვალისწინეთ ისიც, რომ მას შემდეგ, რაც კარაქი გაყავისფრდება, ის სხვა ცივ ტაფაზე უნდა გადმოვიტანოთ. შეგიძლიათ, დამდნარი, ყავისფერი კარაქი, კონტეინერშიც ჩაასხათ, შეინახოთ მაცივარში და მოგვიანებით გამოიყენოთ.

https://www.lurpak.co.uk/cooking-with-lurpak/chicken-biryani/