საახალწლო ბრიოში

ცომისთვის დაგჭირდებათ:

• 520 გ ფქვილი
• 8 გ მომენტალური საფუარი
• 50 გ შაქარი
• 250 მლ Sterilgarda-ს რძე
• 75 გ Valio-ს კარაქი
• 2 კვერცხი
• მწიკვი მარილი

გულსართი:

• 200 გ ყავისფერი შაქარი
• 75 გ Valio-ს კარაქი
• 1 ს.კ. დარიჩინი
• 50 გ ნიგოზი

• 1 კვერცხის გული გადასასმელად
• შაქრის პუდრი

ცომის მოსამზადებლად გავალღოთ კარაქი დაბალ ცეცხლზე, იმავე ქვაში ჩავასხათ რძე, ჩავყაროთ შაქარი და შევათბოთ.

მოზრდილ ჯამში ჩავყაროთ ფქვილი, საფუარი, კვერცხი და თბილი რძე კარაქით, მოვზილოთ ცომი, მიქსერის შემთხვევაში საზელი კაუჭით 10 წუთი, ხელით 15-20 წუთი. სულ ბოლოს ვამატებთ მარილს. უნდა მივიღოთ რბილი, ელასტიური ცომი.

შევფუთოთ ჰერმეტულად და დავდგათ თბილ ადგილას ასაფუებლად, უნდა გაორმაგდეს მოცულობა. 

ვამზადებთ გულსართს - ოთახის ტემპერატურის კარაქი და შაქარი ავურიოთ პასტისებრი მასის მიღებამდე, დავუმატოთ დარიჩინი.

ამოსული ცომი გადავზილოთ და გავყოთ 4 თანაბარ გუნდად. გავაბრტყელოთ თითოეული გუნდა 25 სანტიმეტრამდე. 

ცომის პირველი დისკი მოვათავსოთ საცხობ ქაღალდზე, გადავუსვათ გულსართის ⅓. მოვაყაროთ დაჭრილი ნიგვზის ⅓ და დავაფინოთ მეორე დისკი. 

კვლავ გადავუსვათ გულსართის და ნიგვზის ⅓, დავაფინოთ შემდეგი დისკი, კვლავ გულსართი და ბოლო ცომის დისკით დავასრულოთ.

მომზადებული ფუნთუშის ცენტრში მოვათავსოთ დაახლოებით 5 სმ დიამეტრის ჭიქა, ცომი ჭიქიდან გავჭრათ 8 თანაბარ ნაწილად. ავიღოთ ორი ნაჭერი და დავატრიალოთ ორჯერ, შევაერთოთ კიდეები და დავაფიქსიროთ. ასე გავიმეოროთ დანარჩენი ნაჭრებით.

ცომს გადააფარეთ პლასტიკი და დადგით თბილ ადგილას 45 წუთი. 

გააცხელეთ ღუმელი 180 გრადუსზე.

ბრიოშს გადაუსვით ათქვეფილი კვერცხის გული და გამოაცხვეთ 25-30 წუთი ან ვიდრე ოქროსფერი არ გახდება.

გაგრილებულს მოაყარეთ შაქრის პუდრი.