ვეჯი ბურგერი

თუკი, ვეგეტარიანული სამზარეულოსა და ტრადიციული ბურგერის მოყვარულთა ერთნაირად გაოცება გსურთ, მაშინ ჩვენი რეცეპტი აუცილებლად უნდა სცადოთ. შავი ლობიოთი, წითელი ხახვით, წაბლისფერი სოკოთი და სხვა ფერადი ინგრედიენტებით ისეთი უხორცო კატლეტის მომზადებას გასწავლით, რომლის გემოც და ვიზუალიც ყველაზე მოახდენს განსაკუთრებულ შთაბეჭდილებას.

მიჰყევით ვეჯი ბურგერის ჩვენს რეცეპტს და თამამად გაასინჯეთ ის თქვენს ახლობლებს.

მომზადების დრო: 30 წუთი            ულუფა: 4 დიდი ზომის, 6 პატარა ზომის

ინგრედიენტები

ჩიპოტელის კარაქისთვის

100 გრ ლურპაკის მარილიანი კარაქი, დარბილებული

1 ჩ.კ. ჩიპოტელის ფანტელები

1 ლაიმის ცედრა და წვენი

ბურგერისთვის

25 გრ ლურპაკის მარილიანი კარაქი

½ დიდი ზომის წითელი ხახვი, წვრილად დაჭრილი

75 გრ სოკო, წვრილად დაჭრილი

1x400 გრ-იანი შავი ლობიოს ქილა, კარგად გარეცხილი და გადაწურული

150 გრ მოხარშული ქინოა

150 გრ ჭარხალი, წვრილად გახეხილი

1 ჩ.კ. კვლიავის ფხვნილი

½ ჩ.კ. ჩილის ფხვნილი

¼ ჩ.კ. შებოლილი პაპრიკა

60 გრ დაფქული ნიგოზი

ტკბილი სიმინდის სალსასთვის

სიმინდის 2 ტარო, მარცვლები

1 წითელი ჩილი, წვრილად დაჭრილი

ქინძის პატარა კონა, უხეშად დაჭრილი

1 ლაიმის ცედრა და წვენი

მომზადების წესი

ჩიპოტელის კარაქის მოსამზადებლად შეურიეთ ერთმანეთს კარაქი, ჩილი, ლაიმის წვენი და ცედრა. მოაყარეთ მწიკვი მარილი და პილპილი. გაახვიეთ ის საკვების შესაფუთ ცელოფანში და გასამაგრებლად, სულ მცირე, 45 წუთით მოათავსეთ მაცივარში. ჩიპოტელის კარაქის მომზადება და მაცივარში შენახვა რამდენიმე დღით ადრეც შეგიძლიათ.

ბურგერის მოსამზადებლად, გაადნეთ კარაქი ტაფაში, დაუმატეთ ხახვი და მოშუშეთ საშუალო ცეცხლზე. შემდეგ კი, ჩაყარეთ სოკო და განაგრძეთ თუშვა.

გადაიტანეთ გამზადებული მასა ცალკე თასში, დაუმატეთ შავი ლობიო და ჩანგლით ამოზილეთ. ჩაყარეთ ქინოა, ჭარხალი, კვლიავი, ჩილის ფხვნილი, პაპრიკა, დაფქული ნიგოზი და კარგად ამოურიეთ. დაყავით მასა თანაბარი ზომის ნაჭრებად, მიეცით კატლეტის ფორმა და, დაახლოებით, 30 წუთით მოათავსეთ მაცივარში.

სიმინდის სალსას მოსამზადებლად, თასში ყველა ინგრედიენტი კარგად შეურიეთ და შეაზავეთ მარილითა და პილპილით.

კატლეტები მოათავსეთ საცხობ ქაღალდზე და შედეთ წინასწარ 190°C-170°C-ზე გაცხელებულ ღუმელში, 25-30 წუთის განმავლობაში.

ჩადეთ გამზადებული კატლეტები ბურგერის პურებში და მიირთვით ჩიპოტელის კარაქთან და სიმინდის სალსასთან ერთად.

რჩევები

რეცეპტის ერთ-ერთი მთავარი ინგრედიენტი კარაქია, რომელიც სუნელების გემოებს აერთიანებს, უფრო ინტენსიურსა და არომატულს ხდის. თუმცა, უკეთესი შედეგისთვის, დიდი მნიშვნელობა აქვს, რამდენად სწორად შევარჩევთ კარაქის ტიპს.

ჩვენ ვეჯი ბურგერისთვის, ლურპაკის ორი სახის – წასასმელი და მარილიანი კარაქი გამოვიყენეთ. ორივე მათგანს აქვს ცოცხალი გემო და კრემისებრი სტრუქტურა, რაც გამოყენებულ ინგრედიენტებთან კომბინაციაში, საუკეთესო შედეგს გვაძლევს. 

ასევე, გირჩევთ, ბურგერის პურები ღუმელში გაცხელების ნაცვლად, ტაფაზე, კარაქთან ერთად მსუბუქად მობრაწოთ. ასე შეინარჩუნებს ის სირბილეს და არც ზედმეტად ნოტიო და ბრტყელი გამოვა. 

https://www.lurpak.co.uk/cooking-with-lurpak/beetroot-quinoa-black-bean-burger/