პიცა პროშუტოთი და ვეგეტარიანული

ინგრედიენტები ცომისთვის:

• 2 ჭიქა ფქვილი
• 1 ჭიქა საშუალოზე თბილი წყალი
• 1 ჩ.კ საფუარი
• 1 ს.კ ზეითუნის ზეთი
• ½ ჩ.კ. მარილი

ინგრედიენტები პირველი პიცისთვის:

• Pomi-ს პომიდვრის სოუსი
• Granarolo-ს გახეხილი მოცარელა
• Beretta-ს პროშუტო

ინგრედიენტები მეორე პიცისთვის:

• Pomi-ს პომიდვრის სოუსი
• რუკოლა
• Granarolo-ს ბურატა

მოვამზადოთ ცომი. ჩავყაროთ ჯამში ფქვილი, გავუკეთოთ შუაში ჩაღრმავება, დავამატოთ საფუარი, მარილი და თბილი წყალი (ცივი წყლით არ გაფუვდება ცომი, ზედმეტად ცხელი კი საფუარს დააკარგვინებს გაფუების თვისებას). მოვზილოთ ელასტიური ტექსტურის მიღებამდე და ბოლოს შევაზილოთ ზეითუნის ზეთი.  დავასვენოთ  2-3 წუთი ცომის გუნდა და კიდევ რამდენჯერმე გადავზილოთ. ფქვილმოყრულ ფიცარზე მოვატავსოთ ცომი და დავადოთ ჯამი, რათა  ცომი იყოს თბილად და ჰერმეტულად დაცული. გაფუებას სჭირდება დაახლოებით ერთი საათი.

გაფუებული ცომი კიდევ ერთხელ გადავზილოთ და გავყოთ შუაზე.

პიცა პროშუტოთი

ერთი გუნდა ხელით გავაბრტყელოთ ისე, რომ ცომიდან ჰაერი კარგად გამოვდევნოთ. სასურველი მრგვალი ფორმის მიღების შემდეგ მოვათავსოთ ფქვილმოყრილ პიცის საცხობ ფირფიტაზე. მოვასხათ მასზე ზეითუნის ზეთი, გადავანაწილოთ ხელით. დავამატოთ პომიდვრის სოუსი და მოცარელა. ვაცხოთ 10-15 წუთი 200 გრადუსზე, დავამატოთ პროშუტო და შევდგათ ღუმელში კიდევ 5 წუთით.

ვეგეტარიანული პიცა

მეორე პიცა პომიდვრის სოუსთან ერთად გამოვაცხოთ 15-20 წუთი 200 გრადუსზე. გამოვიღოთ ღუმელიდან, დავამატოთ ბურატა და რუკოლა.