პასტის ნიჟარები პომიდვრის სოუსით

• 250 გ პასტა Gragnano Conchiglioni
• 500 გ რიკოტა ან ნადუღი
• 50 გ Valio-ს პარმეზანი
• 100 გ მოწალული ისპანახი
• 10 გ ბაზილიკის ფოთლები
• მარილი, პილპილი გემოვნებით
• 1 ლიმონის ცედრა
• 1 კბილი ნიორი
• 400 გ პომიდვრის სოუსი Pomi Basilico

• 10 გ Valio-ს პარმეზანი მოსაყრელად
• 3 ს.კ. ზეითუნის ზეთი

პასტა მოვხარშოთ მარილწყალში 10 წუთის განმავლობაში და გადავწუროთ წყალი.

ჯამში ავურიოთ რიკოტა, ან საცერზე გაცრილი ნადუღი, წვრილად გახეხილი პარმეზანი, მოწალული, გაწურული და წვრილად დაჭრილი ისპანახი, დაჭრილი ბაზილიკი, გაჭყლეტილი ნიორი, მარილი, პილპილი და ლიმონის ცედრა.

გავაცხელოთ ღუმელი 190 გრადუსზე.

ცეცხლგამძლე ყალიბში ჩავასხათ პომიდვრის სოუსი, ნიჟარები ამოვავსოთ გულსართით და ჩავალაგოთ ყალიბში, მოვასხათ ზეთი და მოვაყაროთ წვრილად გახეხილი პარმეზანი, გამოვაცხოთ 30-40 წუთი, ან ვიდრე ოქროსფერი არ გახდება.