ვეგეტარიანული სენდვიჩი

სენდვიჩი მარტივად მოსამზადებელი კერძია, რომელიც ხშირად ხორცეულით მზადდება, თუმცა უნდა ითქვას, რომ ბოსტნეულით მომზადებული ვეგეტარიანული სენდვიჩი იმდენად გემრიელია, რამდენადაც სასარგებლის მომტანი ჩვენი ჯანმრთელობითვის.

2 ულუფის მოსამზადებლად დაგჭირდებათ:

• 1 ბაგეტი ან 2 სენდვიჩის პური
• 5-6 ს.კ. ზეითუნის ზეთი
• 2 ბადრიჯანი
• 50 გ კრემ-ყველი
• 400 გ მოცარელა (ბუფალო)
• 2 პომიდორი
• 10 - 10 გ რუკოლა და ცოცხალი ბაზილიკი 
• მარილი
• პილპილი გემოვნებით

მომზადების წესი:
ვიწყებთ ბადრიჯნის შეწვით: ვჭრით სიგრძეზე 1 სმ სისქის ნაჭრებად და გახურებულ ტაფაზე, ზეთში ვწვავთ დარბილებამდე, ორივე მხრიდან დავბრაწავთ. ვაყრით მარილს და პილპილს. გადმოვიტანთ სამზარეულოს ხელსახოცზე. 

სენდვიჩის ასაწყობად ბაგეტს გავჭრით სიგრძეზე, ძირზე გადავუსვამთ კრემ-ყველს, დავალაგებთ რუკოლას, ბადრიჯანს, დაჭრილ მოცარელას, თხლად დაჭრილ პომიდორს, ბაზილიკს და პურის მეორე ნაწილს. მივირთმევთ, სანამ თბილია.