ორაგულის სტეიკი თეთრი სოუსით (2 ვარიაცია)

• Dardanel-ის ორაგულის სტეიკი
• Dardanel-ის ორაგულის ფილე
• ცერეცოს ბოლქვი - 1 ც
• სალათის ფოთოლი - 200 გ
• ისპანახი - 100გ
• პრასი - ½ კონა
• ლიმონი - 1ც
• ბაზილიკი - რამდენიმე ღერი
• Zucchi-ს ზეითუნის ზეთი
• Scavi & Ray-ს თეთრი ღვინო Lugana – 200მლ
• Bornier-ს სამი სახეობის მდოგვი: დიჟონი, თაფლი, მარცვლოვანი - თითო კოვზი.
• Elle & Vire-ის კარაქი - 50 გ
• თეთრი ხახვი - 1 ც
• Elle & Vire-ის ნაღები 150გ
• კინოა - 100გ
• კამა - ½ კონა
• Frisco-ს შებოლილი ორაგული

ორაგულის ფილე მოვათავსოთ საცხობ ფორმაზე. მოვუწყოთ გარშემო ცერეცოს დაჭრილი ბოლქვი, სალათის ფოთოლი, ისპანახი, პრასი, მოვაწუროთ ლიმონი და ისიც მოვუწყოთ გარშემო. დავამატოთ ცოტაოდენი ბაზილიკი, მოვაყაროთ მარილი, ფერადი პილპილი და მოვასხათ ზეითუნის ზეთი და 100 მლ ღვინო. გამოვაცხოთ ღუმელში 180 გრადუსზე 15 წუთის განმავლობაში.

სოუსის მოსამზადებლად წვრილად დავჭრათ თეთრი ხახვი და მოვთუშოთ კარაქში. დავასხათ 100 მლ ღვინო. როდესაც ამოორთქლდება, დავამატოთ Elle & Vire-ის ნაღები და თითო კოვზი მდგოგვის სამი სახეობა. დავამატოთ მარილი, წითელი წიწაკა და მზად არის. სოუსი გავყოთ ორ ნაწილად, ერთი ნაწილი შევინახოთ.  მეორეს დავუმატოთ შებოლილი ორაგული, მოვურიოთ და გადმოვდგათ ცეცხლიდან.

გარნირისთვის მოვხარშოთ 100 გრამი კინოა 200 გრამ წყალში 15 წუთით.

ტაფაზე მოვასხათ ზეითუნის ზეთი. Dardanel-ის ორაგულის სტეიკს მოვაყაროთ მარილი და პილპილის მიქსი და შევწვათ ორივე მხრიდან, 2-2 წუთით. გადმოვიღოთ ქაღალდზე, რომ ცხიმი დაიშროს. თეფშზე გადმოვიღოთ კინოა, მოვაწყოთ თავზე ორაგულის სტეიკები, მოვასხათ თავზე დიჟონის მდოგვის და შებოლილი ორაგულის სოუსი და გავაფორმოთ ლიმონით.

ღუმელიდან გამოვიღოთ მომზადებული ორაგული. სოუსს დავუმატოთ კამა და მოვასხათ გამომცხვარ ორაგულს.